Matius 8:3 - Porjanjian Boharu Torjomahan Baso Dilakng Soari-ari

³ Yesus mouluran jari-Nyo, moncama' urakng nantai. Kato-Nyo, “Aku honda'. Nyamancam!” Lansukng io nyamanam doi' ponyakit kulit nantai.

Matius 8:3 ပူးပေါင်းရင်းမြစ်များ

Matius 12:13

Ongko, kato Sio ko urakng inyo longannyo mati sopia' nantai, “Uluran longan kolai!” Timpu urakng nantai mouluran longannyo, io nyamanam. Longannyo monjadi sehat samo agatn longan inyo sopia'nyo.

Markus 1:41

Yesus mooso kasihan agatnnyo. Sio mouluran longan-Nyo, moncama' urakng nantai, lalu bopandir, “Aku honda'mo. Nyamancam!”

Markus 4:39

Yesus huas, lalu mohakap bonakau nantai ongko bopandir ko danau nantai, “Botongga'cam! Languntcam!” Lansukng bonakau nantai botongga'am ongko danau nantai langunt.

Markus 5:41

Yesus moncanggapm longan bobia' nantai. Kato-Nyo, “Talita kum!” (Rotinyo, “Oi bobia' botina', Aku bopandir ko kolai, ‘Huascam!’ ”)

Markus 7:34

Yesus monongadah ko langit, mongosih panjakng ongko bopandir dalapm baso Yahudi, “Efata!” Rotinyo, “Tobuka'cam!”

Markus 9:25

Timpu Yesus moniant mongkitn banya' urakng mula'i datakng bokumpul di santai, Sio momorintah roh jahat nantai agatn koras. Kato-Nyo, “Roh jahat inyo mombulah urakng bisu huatan tingal, Aku monyiuh kolai, koluarcam doi' bobia' ni'in. Jangan tamo ko dalapm io agi'!”

Lukas 4:27

Butinyo agi' doi' joman nabi Elisa komai. Ado banyaꞌ boko urakng Israel tokona' ponyakit kulit inyo bogola'i, apo conyiant siku' pan doi' sia' inyo dinyamani. Ongkah Naaman am urakng doi' nogori Siria, io kinyo urakng Israel. Ongkah io am inyo dinyamani.”

Lukas 5:13

Yesus mouluran longan-Nyo, moncama' urakng nantai. Kato-Nyo, “Aku honda'. Nyamancam!” Ponyakit kulit nantai samo-jatu' hilakam doi' bukakngnyo.

Lukas 7:14

Lalu Yesus mohampiki pompikulan lancakng bobia' muda' inyo mati nantai, ongko moncama'nyo. Boko urakng inyo momikul lancakng nantai botongga'. Kali sia' udah botongga' Yesus bopandir ko bobia' muda' inyo mati nantai, “Oi bujakng, huas cam!”

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.