Matius 8:29 - Porjanjian Boharu Torjomahan Baso Dilakng Soari-ari

²⁹ ongko mondorah, “Oi Ana' Allah! La'apo urusan Duatn agatn koi? Apobai Duatn datakng honda' mohukupm koi sobolupm watunyo inyo ditontuan Allah?”

Matius 8:29 ပူးပေါင်းရင်းမြစ်များ

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Matius 8:30

Kinyo jouh doi' sia' ado banya' bondar babi tongahan bogoyap pomakatn di ririkng bukit.

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Markus 3:11

Sotiap kali boko roh jahat moniant Yesus, sia' lansukng mongorobahan di hadapan-Nyo. Boko roh jahat nantai mondongkakng-mondorah, “Duatam Ana' Allah!”

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”

Lukas 4:34

“Ih! Yesus urakng Nazaret, jangan Duatn mongoncaci' koi. Koi tohu Duatn inyo Suci doi' Allah! Duatn datakng pakai' mombonasoan koi?”

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Yohanes 2:4

Kato Yesus koindainyo, “Indai, Aku cuku campur tangan dalapm urusan nantai. Bolupm datakng watunyo Aku monunju'an kuaso-Ku.”

Kisah Boko Rasul 16:17

Botina' nantai hala bojalatn di bolikat koi agatn Paulus, kapikng mondongkakng-mondorah. Katonyo, “Boko urakng ni'in Polayatn Allah inyo Maho Tinggi! Sia' momboritoan ko kito mongona'i jalatn kosolamant'an!”

Yakobus 2:19

Kolai mongatoan obai kolai pocayo ongkah ado siku' Allaham. Nian boi'! Apo cubo bopikir. Boko roh jahat pan pocayo sama'an kolai jam! Huatan hal nian bulah boko roh jahat nantai bogogora'.

2 Petrus 2:4

Ingantcam! Pas watu ado boko molekat inyo mombulah dosa, Allah kinyo mombebasan sia' doi' hukupan. Sio monikapan sia' ko dalapm noraka. Sia' dirantai di santai dalapm potakng sampai ari Ponghakipan nononyo.

Yudas 1:6

Ado boko molekat jam inyo kalo dihukupm Tuhatn. Boko molekat nantai molewati batasan kuaso inyo udah ditontuan pakai' sia'. Sia' botula' doi' tompat sia' bodiapm. Ongko, sia' dirantai pakai' somanah-manahnyo. Tuhatn monawatn sia' di tompat inyo kotakan potakng-hiru' sampai ari Ponghakipan nononyo.