Matius 8:24 - Porjanjian Boharu Torjomahan Baso Dilakng Soari-ari

²⁴ Watu sia' tongahan bolayar, kali labuh ado bonakau mohontapm danau nantai, apo watu nantai Yesus tongahan tidu'. Golumbakng bosar mohontapm porohu sia' sampai honda' tonggolapm.

Matius 8:24 ပူးပေါင်းရင်းမြစ်များ

Matius 8:23

Lopas nantai, Yesus noi' ko dalapm porohu. Boko murid-Nyo tuyut Sio.

Matius 8:25

Jadi, boko murid-Nyo mondataki-Nyo ongko monggagaian Sio. Kato sia', “Tuhatn! Tulukng! Kito paca'an bomatian!”

Lukas 8:23

Watu sia' tongahan bolayar, Yesus toidu'. Lalu, datakam angin bonakau mohontapm danau nantai ongko bogolumbakng kotakng bosar. Ara'i mula'i mansu' ko dalapm porohu huatan kotakng mombohayoan bondar.

Yohanes 11:15

Apo Aku sonang obai Aku conyiant di su'utan. Obai, lobih boi' pakai' kaitn, oca' kaitn lobih pocayo. Hincapm kito botula' ninam ko Lazarus.”