Matius 8:22 - Porjanjian Boharu Torjomahan Baso Dilakng Soari-ari

²² Apo Yesus bopandir ko io, “Hincapm tuyut Aku ninam. Biaram boko urakng mati momasar urakng mati sia'.”

Matius 8:22 ပူးပေါင်းရင်းမြစ်များ

Matius 8:21

Siku' urakng inyo bukai, ia'an salah sikuꞌ urakng murid-Nyo, bopandir ko Sio, “Tuhatn, aku honda' tuyut Duatn. Apo aku ija' minto ijitn pakai' momasar bopaiku holu'ai.”

Matius 9:9

Lopas nantai, Yesus botula' doi' santai. Sio moniant ado siku' urakng Yahudi inyo monagih pajak pakai' pomorintahan Romawi. Damonyo Matius, tongahan dudu' di rumah tompat pongumpulan pajak. Yesus bopandir ko Matius, “Tuyut Aku cam!” Matius nantai bodiritn ongko tuyut Yesus.

Markus 2:14

Tongahan Yesus bojalatn di santai, Sio moniant ado urakng Yahudi inyo monagih pajak pakai' pomorintahan Romawi. Damonyo Lewi, ana' Alfeus. Lewi tongahan dudu' di rumah tompat pongumpulan pajak. Yesus bopandir ko io, “Tuyut Aku!” Lewi lansukng bodiritn, tuyut Yesus.

Lukas 15:24

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Lukas 9:59

Lalu Yesus bopandir ko urakng bukai, “Tuyut Aku jam.” Urakng nantai bopandir, “Aku honda' mo, apo aku ija' momasar bopaiku holu'ai.”

Lukas 9:60

Apo Yesus bopandir ko io, “Biaram boko urakng inyo mati socaro rohani inyo kinyo pocayo agatn Allah, momasar boko urakng inyo mati socaro jasmani. Apo kolai gola' botula', momboritoan mongonaꞌi Koraja'an Allah di mono-mono.”

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Yohanes 21:19

(Yesus momadahan nantai pakai' monunju'an caronyo Petrus paca'an mati. Agatn caro ubo nantai, Petrus nantai, paca'an momuliaan Allah.) Lopas Yesus jadi momadahan bunyi nantai, Sio bopandir ko Petrus, “Hincapm tuyut Aku!”

Yohanes 21:22

Timbas Yesus, “Jangan bopikir mongona'i roncana-Ku pakai' urakng bukai. Soandainyo, Aku honda' oca' io totap hidup sampai Aku datakng agi', nantai bukainyo urusan kolai. Apo Aku monyiuh kolai: Tuyut Aku.”

Efesus 2:1

Komai, kaitn udah mati socaro rohani obai kaitn bodosa huatan molanggar boko porintah Allah.

Efesus 2:5

Biar pan komai kito udah mati socaro rohani obai dosa kito, Allah udah moonji'i kito kohidupan boharu bosamo-samo agatn Kristus. Kaitn disolamant'an ongkah obai Allah monunju'an kasih karunia-Nyo ko kaitn.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

Kolose 2:13

Komai kaitn udah mati socaro rohani obai kaitn bodosa huatan kinyo di sunant socaro jasmani. Apo Allah udah moonji'i kaitn kohidupan boharu bosamo-samo agatn Kristus. Allah udah moamputi somuo dosa kito.

1 Timotius 5:6

Apo siku' urakng botina' balu inyo hidupnyo bayo monyonangan dirinyo siku', biar pan io ija' hidup sobondarnyo io udah mati socaro rohani.