Matius 8:20 - Porjanjian Boharu Torjomahan Baso Dilakng Soari-ari

²⁰ Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Matius 8:20 ပူးပေါင်းရင်းမြစ်များ

Matius 12:32

Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Matius 12:40

Yunus ado di dalapm porut ikatn bosar somanah tigo ari tigo malapm. Ubo nian jam Ana' Monsio paca'an di dalapm pasaran somanah tigo ari tigo malapm.

Matius 12:8

Obai Ana' Monsio ia'an Tuhatn inyo bokuaso tohadap Ari Sabat.”

Matius 13:37

Timbas Yesus, “Potani inyo moabur monggambaran Ana' Monsio.

Matius 16:13

Lopas nantai Yesus botula' ko doerah dampikng kota Kaisarea Filipi. Di santai Sio botakutn ko boko murid-Nyo, “Kuji boko urakng, sopo Ana' Monsio?”

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 17:9

Watu sia' turutn doi' pucu' bukit nantai, Yesus bopandir ko sia'. Kato Sio, “Sobolupm Ana' Monsio bobali' hidup doi' komatian, jangan momadahan ko sopo pan mongona'i la'apo inyo hoyu' kaitn tiat.”

Matius 19:28

Kato Yesus ko sia', “Dinga'anbo ni'in: Timpu Allah bulah somuo hal monjadi boharu, Ana' Monsio paca'an dudu' di pucu' krosi-Nyo inyo tohormat pakai' momorintah di dunia boharu ni'in. Kaitn boko murid-Ku pan paca'an dudu' di pucu' duo bolas krosi ponguaso. Kaitn paca'an mohakipi koduo bolas suku banso Israel.

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Lukas 12:8

Dinga'anbo ni'in: Sotiap urakng inyo mongaku'i Aku dipohadapan boko urakng bukai obai io pocayo agatn Aku, Ana' Monsio pan paca'an moakui'nyo dipohadapan boko molekat Allah.

Lukas 18:8

Aku bopandir ko kaitn: Allah pasti janjakng molabuhan la'apo inyo adil pakai' sia'. Apo watu Ana' Monsio datakng bobali' ko dunia ni'in, bolupm pasti apobai Io monomu'i banya' urakng inyo totap pocayo ko Io.”

Lukas 2:12

Ni'innam caronyo kaitn paca'an tohu borito ni'in bondar-bondar udah tojadi: Kaitn paca'an botomu siku' bobia' inyo diputut agatn lompitn diulit'an di tompat poumpatan inguan.”

Lukas 2:16

Sia' hagar botula' ko Betlehem, monomu'i Maria ongko Yusuf, ongko bobia' kocit nantai inyo tongahan diulit'an di tompat poumpatan inguan.

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Lukas 9:58

Yesus honda' urakng nantai mongotohu'i aman io monjadi murid-Nyo, io tajahan mohadapi kosulitan. Ongko Yesus bopandir ko io, “Payau ado lubakngnyo. Burukng ado sayakngnyo. Apo Ana' Monsio nyiant ado kodiapan.”

Yohanes 1:51

Lalu Yesus bopandir, “Bondar-bondar pocayo cam! Kaitn paca'an moniant langit tobuka', lalu boko molekat Allah turutn noi' ko ‘Ana' Monsio.’ ”

Yohanes 12:34

Urakng banya' nantai bopandir, “Hukupm Torat mongatoan obai Kristus, Rajo Inyo Dijanjian Allah, paca'an totap hidup kokal. Jadi, sama'an lapo Duatn mongatoan obai Ana' Monsio paca'an diangkat doi' bumi? Sopo Ana' Monsio nantai?”

Yohanes 13:31

Lopas Yudas botula', Yesus bopandir, “Watu ni'in Ana' Monsio dimuliaan, huatan Allah pan dimuliaan molalu'i Ana' Monsio.

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Yohanes 3:14

Samo sama'an komai Musa moninggian ular tombago ditihakng kayu dipadakng pasir. Samo ubo nantai jam agatn Ana' Monsio paca'an ditinggian

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 6:53

Jadi, Yesus bopandir ko sia', “Dinga'an bo! Kobondaran inyo Aku pandiran ni'in: Kaitn gola' bopua' isi Ana' Monsio huatan minum darah-Nyo. Aman cado, kaitn kinyo bondar-bondar hidup.

Yohanes 6:62

Ubo apo pikiran kaitn soandainyo kaitn moniant Ana' Monsio noi' agi' ko sorugo, tompat-Nyo bodiapm sobolupmnyo?

Kisah Boko Rasul 7:56

Stefanus bopandir, “Tiat! Aku moniant langit tobuka'. Yesus Inyo Diutus Allah Pakai' Monjadi Monsio tongahan bodiritn di tompat inyo palikng tohormat di su'utn.”

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.