Matius 8:2 - Porjanjian Boharu Torjomahan Baso Dilakng Soari-ari

² Ado siku' urakng inyo boponyakit kulit inyo bogola'i datakng ko Yesus. Io tundu' monyungkapan ongko momuhun ko Yesus, “Habakng, tulukng nyamani aku. Aman Duatn honda', pasti Duatn ulih.”

Matius 8:2 ပူးပေါင်းရင်းမြစ်များ

Matius 10:8

Nyamanicam urakng sakit. Pulahcam urakng mati bobali' hidup. Nyamanicam urakng inyo boponyakit kulit inyo bogola'i. Tundukngcam boko roh jahat. Kaitn udah monorima' borokat apo co bobayar. Ongko kaitn pan gola' moonji'i ko urakng bukai agatn co dibayar.

Matius 13:58

Ia'an Yesus kinyo molabuhan banya' mujisat di santai obai sia' kinyo pocayo agatn-Nyo.

Matius 14:33

Somuo urakng inyo ado di porohu nantai monyombah Sio. Kato sia', “Duatn bondar-bondar Ana' Allah!”

Matius 15:25

Apo botina' nantai mondampiki Yesus lalu tundu' monyungkapan di hadapan Sio. Kato botina' nantai, “Tuhatn, tulukngbo aku!”

Matius 18:26

Apo, hulutn nantai tundu' monyungkapan di hadapan rajo. Katonyo, ‘Tulukng cakah holu'ai duatn agatn aku. Nononyo, paca'an kubayar mo somuo hutakngku.’

Matius 2:11

Sia' mansu' ko dalapm rumah nantai ongko moniant Bobia' nantai bosamo agatn Maria, indai-Nyo. Sia' monyungkapan monyombah Bobia' nantai, ongko mombuka' poti tompat bando barakng sia'. Sia' moonju' boko posombahan ko Sio, ia'an omas, monyan ongko mur.

Matius 20:20

Lopas nantai, indai sia' Yakobus agatn Yohanes datakng ko Yesus bosamo agatn sia'. Rasul Yakobus huatan Yohanes ia'an boko poana'an Zebedeus. Indai sia' tundu' monyungkapan di hadapan Yesus pakai' mominto la'apo kohonda'nyo.

Matius 26:6

Di kota Betania, Yesus ado di rumah Simon komainyo boponyakit kulit inyo bogola'i.

Matius 28:17

Timpu sia' moniant Yesus di su'utn, sia' tundu' monyungkapan monyombah Sio. Apo ado di antaro sia' inyo gangga'-gua'an.

Matius 28:9

Sopongirap Yesus monomu'i boko botina' nantai dalapm pojalatan. Kato Sio, “Salapm!” Sia' mohampiki Sio, mongolu'i kaki Sio huatan monyombah Sio.

Matius 4:9

Kato Rajo Sitatn ko Yesus, “Aku paca'an moonju' somuo ni'in aman Duatn monyombah aku.”

Matius 8:1

Lopas Yesus turutn doi' bukit, banya' urakng tuyut Sio.

Matius 8:25

Jadi, boko murid-Nyo mondataki-Nyo ongko monggagaian Sio. Kato sia', “Tuhatn! Tulukng! Kito paca'an bomatian!”

Matius 9:18

Pontongahan Yesus bopandir ko boko murid Yohanes Pombaptis nantai, ado siku' urakng kopala' rumah sombayakng datakng ko Sio. Io tundu' monyungkapan di hadapan Yesus. Katonyo, “Ana' botina'ku hoyu' ja' mati. Apo datakng bo. Cama' bo io, ongko io paca'an bobali' hidup.”

Lukas 4:27

Butinyo agi' doi' joman nabi Elisa komai. Ado banyaꞌ boko urakng Israel tokona' ponyakit kulit inyo bogola'i, apo conyiant siku' pan doi' sia' inyo dinyamani. Ongkah Naaman am urakng doi' nogori Siria, io kinyo urakng Israel. Ongkah io am inyo dinyamani.”

Yohanes 9:38

Katonyo, “Aku pocayo, Tuhatn!” Lalu, io tundu' monyungkapan ko Yesus.

Kisah Boko Rasul 10:14

Petrus bopandir, “Cado, Tuhatn! Aku co kalo mua'i dagikng doi' bonatakng sama'an nian. Obai dalapm poraturan agama Yahudi boko bonatakng nantai purih.”

Kisah Boko Rasul 10:25

Pas Petrus tuntukng di rumahnyo, Kornelius lansukng tundu' monyungkapan di hadapan kaki Petrus.

1 Korintus 14:25

Obai kaitn monyampaian posatn-pontal doi' Allah, ongko somuo inyo dibumbutn dalapm hati urakng nantai paca'an dikotohu'i. Jadi, io paca'an moncungkukng huatan monyombah Allah kapikng mongatoan, “Allah bondar-bondar ado di tongah-tongah kaitn.”

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”