Matius 8:18 - Porjanjian Boharu Torjomahan Baso Dilakng Soari-ari

¹⁸ Timpu Yesus moniant urakng banya' inyo mongoliliki-Nyo nantai, ongko Sio monyiuh boko murid-Nyo oca' noi' porohu monyomboraki danau.

Matius 8:18 ပူးပေါင်းရင်းမြစ်များ

Lukas 8:22

Pas ari nantai, Yesus agatn boko murid-Nyo ado di Danau Galilea. Yesus bopandir ko sia', “Mara kito botula' ko soborakng danau.” Jadi, sia' jumpat ko porohu, ongko botula'am.

Yohanes 6:15

Yesus tohu obai sia' honda' datakng pakai' mombaba' Sio, momoso Sio monjadi rajo sia'. Jadi, Sio botula' agi' ko doerah bukit oca' ulih sonsiku'an-Nyo.

Markus 4:35

Timpu babahari nantai jam, Yesus bopandir ko boko murid-Nyo, “Hincapm kito botula' ko soborakng danau.”

Matius 14:22

Lopas nantai, Yesus monyiuh boko murid-Nyo noi' porohu lalu mondoholu'i Sio ko soborakng danau. Somontaro nantai, Sio monyiuh boko urakng banya' nantai pulakng.

Markus 8:13

Lalu, Yesus moninggalan sia' huatan botula' jumpat porohu ko soborakng danau.

Markus 6:45

Lopas nantai, Yesus copat monyiuh boko murid-Nyo jumpat porohu ongko mondoholu'i Sio ko kota Betsaida di soborakng danau. Tongahan nantai, Sio monyiuh urakng banya' nantai pulakng.

Markus 5:21

Yesus ongko boko murid-Nyo bobali' agi' ko soborakng danau. Di pinggir danau nantai, banya' urakng datakng bokorumun di sokolilikng Yesus.

Matius 8:1

Lopas Yesus turutn doi' bukit, banya' urakng tuyut Sio.