Matius 8:16 - Porjanjian Boharu Torjomahan Baso Dilakng Soari-ari

¹⁶ Watu babahari, banya' urakng sakit dibaba' ko Yesus, tomansu' inyo korasu'an boko roh jahat. Agatn pomandiran-Nyo mo, Yesus monundukng boko roh jahat nantai. Sio pan monyamani somuo urakng inyo sakit di santai.

Matius 8:16 ပူးပေါင်းရင်းမြစ်များ

Matius 12:22

Lopas nian ado urakng inyo dirasu'i roh jahat dibaba' ko Yesus. Urakng nantai buto huatan bisu. Yesus monyamani io sampai io ulih moniant huatan bopandir agi'.

Matius 14:14

Watu Yesus mondarat, Sio moniant kotakan banya' urakng di santai. Jadi, Sio mooso salu' agatn sia' lalu monyamani boko urakng inyo boponyakit di antaro sia'.

Matius 8:15

ongko moncama' longannyo. Watu nantai jam, montuho botina' Petrus nyamanam. Io bodiritn ongko mula'i molayati Yesus.

Matius 8:33

Boko ponjago babi nantai moniant poristiwa nantai. Jadi, sia' rari ko kota. Di santai, sia' mongisahan somuo hal inyo tojadi, tomansu' la'apo inyo tojadi agatn koduo urakng nantai inyo komainyo korasu'an boko roh jahat.

Matius 9:2

Ongko, boboropo urakng datakng mombaba' urakng sakit lumpuh inyo mangkakan di pucu' tikar. Timpu Yesus moniant sia' pocayo obai Sio bokuaso, Yesus bopandir ko urakng lumpuh nantai, “Somadikan-Ku, jangan gola', obai dosa kolai udah diamputi.”

Markus 2:3

ado ompat urakng datakng mombaba' siku' urakng lumpuh. Sia' honda' mombaba' urakng nantai ko Yesus pakai' dinyamani.

Markus 9:25

Timpu Yesus moniant mongkitn banya' urakng mula'i datakng bokumpul di santai, Sio momorintah roh jahat nantai agatn koras. Kato-Nyo, “Roh jahat inyo mombulah urakng bisu huatan tingal, Aku monyiuh kolai, koluarcam doi' bobia' ni'in. Jangan tamo ko dalapm io agi'!”

Lukas 13:12

Watu Yesus moniant botina' nantai, Yesus moningkau io ko muka'. Ongko Yesus bopandir, “Indai, watu ninam kolai nyamanam doi' ponyakit kolai.”

Lukas 4:40

Watu matoari honda' tonggolapam, boko urakng mombaba' somuo boko urakng boponyakit ko Yesus. Sia' mondorita' obai bomacapm ponyakit. Yesus molota'an jari-Nyo ko bukakng sia' huatan monyamani sia'.

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Kisah Boko Rasul 5:15

Boko rasul Yesus banya' bulah mujisat. Obai nantai am, banya' urakng mombaba' boko urakng boponyakit ko boko jalatn ongko sia' nantai diulit'an di tikar damo tompat tidu'. Sia' boharap pas Petrus lalu di siatn, palikng cado kombayakngnyo kona' sia', oca' sia' nyamanam.