Matius 7:6 - Porjanjian Boharu Torjomahan Baso Dilakng Soari-ari

⁶ “Jangan dionju' ko boko kudu' sosuatu inyo husus pakai' umant Allah. Aman kaitn molabuhan nantai, boko kudu' nantai paca'an bobali' ongko moraso kaitn. Jangan onju' mutiara ko boko babi. Aman kaitn molabuhan nantai, boko babi nantai bayo paca'an mononja'-nonja' mutiara nantai.”

Matius 7:6 ပူးပေါင်းရင်းမြစ်များ

Filipi 3:2

Boboi'cam tohadap boko urakng inyo mongajaran obai urakng gola' disunant pakai' monjadi umant Allah. Sia' jahat ongko bobohayo sama'an kudu' liar.

Matius 15:26

Kato Yesus, “Kinyo cucu' monguti' pomakatn inyo di siap'an pakai' boko bobia' lalu di buakan ko kudu'!”

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

2 Petrus 2:22

Porbuatan sia' nantai monunju'an obai poumpamoan ni'in bondar: “Kudu' paca'an makatn agi' apo inyo udah dimutahannyo.” Huatan “Babi inyo udah dimandi'i paca'an bobali' agi' mongudakng di dalapm luta'.”

Matius 24:10

Banya' urakng paca'an kinyo pocayo agi' ko Tuhatn. Sia' paca'an hala bonci' huatan hala mohianati.

Ibrani 6:6

lopas somuonyo nantai, aman sia' moninggalan Kristus, jadi co mungkitn sia' ulih dibimbikng oca' sia' moninggalan dosa sia' lalu bobali' agi' ko Sio. Obai, umpamonyo sia' siku' mohukupm mati Ana' Allah di kayu salib agi'. Sia' mombulah Sio dihanyam di hadapan urakng banya'.

2 Korintus 11:26

Dalapm banya' pojalatan, aku mohadapi bomacapm bohayo: bohayo doi' sungai, bohayo doi' porampok, bohayo doi' bansoku siku' urakng Yahudi, bohayo doi' boko urakng bukainyo urakng Yahudi, bohayo di kota, bohayo di padakng pasir, bohayo di lout, bohayo doi' boko urakng inyo pompadah sia' pocayo, apo sobondarnyo cado.

Matius 7:5

Urakng sama'an nantai urakng inyo pompadah boi' apo sobondarnyo hatinyo jahat. Hilakan holu'ai balok doi' mato kolai, hoyu' ulih moniant agatn jolas oca' ulih mohilakan kosimaian doi' mato somadikan kolai.”

Wahyu 22:15

Apo somuo urakng bukai paca'an tinggal di luar. Ia'an somuo urakng inyo jahat samo sama'an kudu', boko tukakng sihir, boko urakng inyo bodosa bomporajoan, boko urakng inyo mombunuh, boko urakng inyo monyombah lompatukng, boko urakng inyo gala' bulah kotumbukan huatan molabuhannyo.