Matius 7:5 - Porjanjian Boharu Torjomahan Baso Dilakng Soari-ari

⁵ Urakng sama'an nantai urakng inyo pompadah boi' apo sobondarnyo hatinyo jahat. Hilakan holu'ai balok doi' mato kolai, hoyu' ulih moniant agatn jolas oca' ulih mohilakan kosimaian doi' mato somadikan kolai.”

Matius 7:5 ပူးပေါင်းရင်းမြစ်များ

Lukas 13:15

Lalu Tuhatn Yesus bopandir ko io huatan somuo urakng inyo bopikir samo samaꞌan io, “Kaitn boko urakng inyo pompadah boi', apo sobondarnyo jahat! Sotiap ari, tomansu' Ari Sabat, kaitn molopasan sapi damo koledai doi' kandakannyo, mombaba'nyo ko luar oca' sia' ulih minum ara'i. Nantai pan pokoroja'an jam.

Lukas 4:23

Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Matius 22:18

Apo Yesus tohu mo tujuan sia' inyo jahat nantai. Ia'an Sio bopandir, “Kaitn pompadah boi' mo. Mapo kaitn monjebak-Ku?

Lukas 12:56

Ui boko urakng inyo gala' pompadah boi'! Agatn moniant awatn ongko angin, kaitn ulih mongotohu'i cuacanyo. Apo biar pan kaitn udah moniant boko porbuatan inyo udah Ku pulah di joman ni'in, kaitn pan totap co ulih mongotohu'i kohonda' Allah.

Kisah Boko Rasul 19:15

Apo roh jahat nantai monimbas, “Aku udah tohu agatn Yesus. Aku pan tohu Sio moonji'i kuaso ko Paulus pakai' monundukng koi. Apo kaitn co nyiant kuaso la'apo pan!”

Matius 7:3

Boko urakng inyo moniant kosimaian kayu di mato urakng bukai apo balok di mato sia' sikuꞌ kinyo kotiat'an.

Matius 7:4

Ongko io bopandir, ‘kosi'itn, Somadikan, oca' ku tulukng mohilakan kosimaian di mato kolai.’ Apo balok di matonyo sikuꞌ, io co moniant.

Matius 7:6

“Jangan dionju' ko boko kudu' sosuatu inyo husus pakai' umant Allah. Aman kaitn molabuhan nantai, boko kudu' nantai paca'an bobali' ongko moraso kaitn. Jangan onju' mutiara ko boko babi. Aman kaitn molabuhan nantai, boko babi nantai bayo paca'an mononja'-nonja' mutiara nantai.”