Matius 7:29 - Porjanjian Boharu Torjomahan Baso Dilakng Soari-ari

²⁹ Obai, Sio mongajar kinyo sama'an boko guru agama sia'. Sio mongajar sobagai urakng inyo pintar-corodi'.

Matius 7:29 ပူးပေါင်းရင်းမြစ်များ

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Matius 5:28

Apo Aku moonju' porintah ni'in ko kaitn: Jangan sampai lolaki borotian botina' ongko honda' bomporajoan agatn io inyo bukainyo bininyo. Aman lolaki nantai molabuhannyo, boroti io udah bomporajoan dalapm hatinyo.

Matius 5:32

Apo Aku moonju' porintah ni'in ko kaitn: Siku' urakng lolaki inyo monyaya' bininyo aman bukai obai bininyo bomporajoan io mombulah bininyo bomporajoan huatan urakng inyo kawitn agatn botina' inyo disaya' nantai bomporajoan jam.”

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

Matius 7:28

Lopas Yesus jadi mongajar somuonyo nantai, urakng banya' inyo mondinga'an pomandiran-Nyo mooso hiratn.

Matius 8:1

Lopas Yesus turutn doi' bukit, banya' urakng tuyut Sio.

Lukas 20:8

Yesus bopandir, “Aman ubo nian, Aku pan co paca'an momadahan ko kaitn sopo inyo moonji'i hak ko Aku pakai' bulah somuonyo ni'in.”

Lukas 21:15

Obai Aku siku' tajahan moonji'i ko kaitn komampuan pakai' mongatoan pomandiran inyo topat, sampai boko musuh kaitn kinyo paca'an ulih monontakng ongko monikaki kaitn.

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.