Matius 7:25 - Porjanjian Boharu Torjomahan Baso Dilakng Soari-ari

²⁵ Timpu hujatn doras, ongko pasakng huatan bonakau mohontapm rumah nantai. Apo rumah nantai kinyo robah obai dipulah di pucu' batu.

Matius 7:25 ပူးပေါင်းရင်းမြစ်များ

Matius 16:18

Dinga'anbo! Kolai ia'an Petrus, inyo rotinyo ‘Bukit Batu’. Di pucu' bukit batu ni'in Aku paca'an mombangun jomaat-Ku huatan kuaso komatian kinyo mampu mongalahan sia'.

Matius 7:24

“Jadi, ado urakng inyo paca'an mondinga' pomandiran-Ku ongko molabuhannyo jam. Io samo sama'an urakng inyo pintar-corodi' inyo bulah rumahnyo agatn pondasi di pucu' batu.

Matius 7:26

Ado jam urakng inyo paca'an mondinga' pomandiran-Ku apo kinyo molabuhannyo jam. Io samo sama'an urakng inyo budu inyo bulah rumahnyo di pucu' pasir.

Matius 7:27

Timpu hujatn doras, ongko pasakng huatan bonakau mohontapm rumah nantai. Rumah nantai robah huatan kotakng ropu'-lolo.”

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Kolose 2:7

Kohonda'nyo kaitn totap pocayo ko Sio huatan botumbuh dalapm Sio. Kohonda'nyo kaitn botambah kuat pocayo ko somuo ajaran inyo bondar inyo udah disampaian ko kaitn. Kohonda'nyo hati kaitn hala bosukur.

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

1 Petrus 1:5

Obai kaitn pocayo ko Yesus, jadi Allah molinduki kaitn agatn kuaso-Nyo oca' kaitn ulih disolamant'an. Kosolamant'an kaitn nantai udah siap ditunju'an Allah watu ahir joman nononyo.

1 Petrus 1:7

Tujuan doi' somuo kosusahan nantai ia'an pakai' mombutian aman kaitn bondar-bondar pocayo ko Tuhatn kata'an cadoai. Kopocaya'an kaitn nantai lobih borogo daripado omas. Biar pan kinyo tahatn somanahnyo, omas pan diuji agatn api pakai' mombutian aman omas nian murni kata'an cado. Jadi, kopocaya'an kaitn pan diuji jam. Agatn ubo nantai, aman kaitn bobondar pocayo, nononyo kaitn tajahannyo dipuji, dimuliaan, ongko dihormati, nantai tajahannyo tojadi watu Yesus Kristus datakng agi' monyatoan diri-Nyo.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.