Matius 7:21 - Porjanjian Boharu Torjomahan Baso Dilakng Soari-ari

²¹ Kinyo somuo urakng inyo moningkau Aku, ‘Tuhatn, Tuhatn,’ paca'an mansu' ko dalapm Koraja'an Sorugo. Apo bayo boko urakng inyo molabuhan kohonda' Bopai-Ku di sorugo inyo mansu' ko dalapm Koraja'an Sorugo.

Matius 7:21 ပူးပေါင်းရင်းမြစ်များ

Roma 2:13

Apo urakng monjadi bondar di hadapan Allah bukai obai mondinga' Hukupm Torat, apo obai monaati Hukupm Torat nantai.

Lukas 6:46

“Kaitn co bondar aman ongkah moningkau Aku ‘Tuhatn’, apo kaitn co molabuhan la'apo inyo Ku siuh.

Yakobus 1:22

Jadi, kaitn gola' monaati Pomandiran-Nyo. Jangan ongkah mondinga'annam, obai aman ubo nian kaitn monipu diri kaitn siku'.

Lukas 11:28

Apo Yesus bopandir, “Sobondarnyo, lobih diborokati urakng inyo mondingaꞌ pomandiran Allah huatan molabuhannyo!”

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Ibrani 4:6

Jadi, boko urakng inyo lobih doholu mondinga' Kabar Boi' nantai, sia' culih mansu' obai sia' kinyo taat ko Allah. Aman sama'an nian, udah jolas ado jumlah urakng bukai, inyo ulih mansu' tompat torahat nantai.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Wahyu 3:5

Boko urakng inyo monang paca'an dikona'an pakai'an putih samo sama'an nantai. Aku co paca'an mohapus damo sia' doi' Buku Kohidupan. Aku paca'an moaku'i obai sia' nam umputn-Ku di hadapan Bopai-Ku ongko boko molekat-Nyo.

1 Petrus 4:2

Kaitn molabuhan nantai oca' somanah kaitn ija' hidup di dunia ni'in, kaitn co monuruti kohonda' dunia, apo kaitn monuruti kohonda' Allah.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Matius 12:50

Somuo urakng inyo molabuhan kohonda' Allah Bopai-Ku di sorugo ia'an indaiku huatan boko somadikan-Ku.”

Wahyu 22:14

Sonang nyamanam cam somuo urakng inyo monopasi jubah sia'. Sia' paca'an dapat hak pakai' bopua' buah doi' kayu inyo moonji'i kohidupan. Sia' paca'an ulih mansu' ko dalapm kota nantai molalu'i boko pintu gerbakngnyo.

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Markus 3:35

Somuo urakng inyo molabuhan lapo inyo dikohonda'i Allah, sia' nanam somadikan lolaki-Ku, somadikan botina'-Ku ongko indaiku.”

1 Tesalonika 5:18

Bosukurcam ko Allah dalapm somuo hal. Obai nantaiam kohonda' Allah pakai' kaitn di dalapm Kristus Yesus.

Efesus 6:6

Kaitn gola' monurut agatn sia' bukainyo obai kaitn honda' di tiat huatan dipuji sia', apo obai kaitn ia'an boko urakng inyo molayati Kristus ongko hati kaitn honda' molabuhan la'apo inyo di kohonda'i Allah.

1 Petrus 2:15

Kaitn gola' monaati somuo pomimpitn nantai obai ni'inan kohonda' Allah. Ia'an, oca' kaitn bulah koboi'an lalu boko urakng budu kinyo bopandir la'apo pan pakai' monjahai'an kaitn.

Matius 25:21

Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

1 Tesalonika 4:3

Ninam kohonda' Allah oca' hidup kito mongkitn suci. Rotinyo, co ulih molaki-mbini bolupm dipojadi.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

Lukas 13:25

Nono umputn rumah tajahan monutup lawakngnyo. Ado di antaro kaitn inyo paca'an di luar, mongetok-ngetok kapikng bopandir, ‘Habakng, buka'bo lawakng pakai' koi!’ Habakng nantai paca'an monimbas, ‘Cado! Aku co konal agatn kaitn.’

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Lukas 18:25

Lobih mudah siku' unta mansu' molalu'i lubakng jayupm daripado urakng dampu pakai' monjadi anggota koluarga koraja'an Allah.”

Markus 9:47

Aman mato kulo mombulah kulo bodosa, cungkil ja'am. Obai, lobih boi' aman kulo mansu' ko dalapm Koraja'an Allah agatn sobigi' mato, daripado kulo agatn kododuo mato kulo nononyo dibuakan ko dalapm noraka.

Matius 19:24

Sokali agi' dinga'anbo. Mansi mudah aman siku' unta moncubo mansu' molalu'i lubakng jayupm, daripado urakng dampu moncubo monjadi anggota koluarga koraja'an Allah.”

Matius 18:35

Samo sama'an rajo nantai mohukupm hulutnnyo, Allah Bopai-Ku di sorugo paca'an mohukupm kaitn aman kaitn co somombondarannyo moamputi boko somadikan kaitn.”

Yohanes 15:23

Urakng inyo bonci'an Aku, boroti io bonci' jam agatn Bopai-Ku.

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Wahyu 2:27

Sia' paca'an momorintah agatn longan bosi pakai' mohancuran somuo musuh samo sama'an poriu' tanah. Nianam kuaso samo sama'an Bopai-Ku onju' ko aku.

Yohanes 14:7

Aman kaitn mongonal Aku, rotinyo kaitn mongonal Bopai-Ku jam. Watu ni'in kaitn udah mongonal Bopai-Ku huatan moniant Sio.”

Yohanes 5:17

Apo Sio bopandir agatn sia', “Sampai watu ni'in, Bopai-Ku kinyo botongga' bokorojo. Sama'an nian jam, Aku pan bokorojo jam.”

Matius 26:39

Lopas nian, Yesus botula' lobih jouh sodikit. Sio tundu' sampai ko tanah lalu bodoa. Kato-Nyo, “Oi Bopai-Ku, aman ulih, bebasanbo Aku doi' pondorita'an inyo gola' Kualapi ni'in. Apo jangan monurut kohonda'-Ku, apo monurut kohonda' Bopai ja'am inyo jadi.”

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Matius 18:19

Dinga'anbo ni'in jam: Aman ado duo damo lobih di antaro kaitn di dunia ni'in bohoupm-bokubo mongona'i la'apo pan lalu mondoa'an hal nantai, ongko Allah Bopai-Ku di sorugo paca'an mongabulan doa nantai.

Matius 25:10

Lalu boko botina' daro inyo budu nantai botula' momboli minya'. Apo, tongahan sia' bojalatn, pongantitn lolaki nantai datakam. Kolima' botina' inyo udah siap ulih mansu' ko pogai kawitn nantai bosamo-samo agatn pongantitn lolaki. Lalu, lawakng ditutupam.