Matius 7:16 - Porjanjian Boharu Torjomahan Baso Dilakng Soari-ari

¹⁶ Apo kaitn paca'an mongotohu'i sopo sia' samo sama'an sotiap tontanaman dikonal doi' buahnyo. Co mungkitn mongopil buah anggur doi' rampuan duri. Co mungkitn mongopil buah ara doi' rampuan duri.

Matius 7:16 ပူးပေါင်းရင်းမြစ်များ

Yakobus 3:12

Damo agatn gambaran bukai, boko somadikan. Kayu ara culih mohasilan buah Jaitun. Kondukng anggur culih mohasilan buah ara. Mato ara'i mancitn culih mohasilan ara'i taba'i.

Matius 12:33

Sotiap urakng dikonal doi' porbuatannyo samo sama'an sotiap tontanaman dikonal doi' buahnyo. Aman sokayu' tontanaman boi', ongko buahnyo boi' jam. Aman sokayu' tontanaman kinyo boi', ongko buahnyo kinyo boi' jam.

Matius 7:20

Jadi, kaitn paca'an mongotohu'i aman boko nabi boi' damo jahat agatn moniant caro hidup sia'.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Yakobus 2:18

Apo mungkitn ado urakng inyo co sotuju huatan bopandir, “Ado urakng inyo moandalan kopocaya'annyo, huatan ado inyo bukai moandalan porbuatannyo.” Apo aku paca'an monimbas, “Aman kolai co molabuhan porbuatan inyo boi', co mungkitn kolai monunju'an ko aku obai kolai bondar-bondar pocayo! Apo porbuatanku monunju'an ko kolai obai aku bondar-bondar pocayo!”