Matius 7:13 - Porjanjian Boharu Torjomahan Baso Dilakng Soari-ari

^13-14 Lawakng noraka luar. Caro hidup inyo monuju ko su'utn mudah mo. Banya' urakng inyo jumpat caro hidup nantai. Apo caro hidup inyo monuju ko Koraja'an Sorugo uyuh. Obai nantai, kaitn gola' mansu' Koraja'an Sorugo molalu'i lawakng inyo songka'! Obai lawakngnyo songka', bayo sodikit urakng inyo monomuannyo.”

Matius 7:13 ပူးပေါင်းရင်းမြစ်များ

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 10:9

Aku ninam lawakngnyo. Sotiap urakng inyo mansu' molalu'i Aku, io paca'an solamant. Io paca'an koluar-mansu', monomuan padakng rumput.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 3:8

Kaitn gola' molabuhan porbuatan inyo bondar pakai' monunju'an obai kaitn bondar-bondar moninggalan dosa.

2 Korintus 6:17

Obai nantai am, Tuhatn Allah bopandir, “Koluar cam doi' boko urakng inyo kinyo pocayo agatn Aku. Songkayoan diri kaitn doi' sia'. Jangan moncama' boko hal inyo campah. Aman kaitn molabuhan boko porintah-Ku nantai, jadi Aku tajahan monorima' kaitn.

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Filipi 3:19

Ponjadi'nyo, boko urakng nantai tajahan bonaso. Sia' hidup monuruti kohonda' tubuh sia' siku' daripado hidup monuruti kohonda' Allah. Sia' bangga mongona'i boko porbuatan sia' inyo jahat inyo soharusnyo mombulah sia' malu. Sia' bayo bopikir mongona'i boko hal di dunia ni'in mo.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

1 Yohanes 5:19

Kito tohu obai kito boasal doi' Allah. Apo somuo urakng di dunia sia' ado di babah kuaso Rajo Sitatn inyo jahat.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Roma 9:22

Ubo nian jam Allah bokuaso doi' somuo urakng inyo Sio pulah. Ado boko urakng inyo mombulah Allah godi. Sio udah siap mombonasoan sia'. Sio honda' monunju'an obai Sio godi ongko monunju'an kuaso-Nyo. Sio sabar agatn sia', jadi Sio kinyo lansukng mohukupm sia'

Lukas 14:33

Ubo nian jam agatn boko urakng inyo honda' monjadi murid-Ku. Io gola' bopikir soboi'-boi'nyo holu ai obai aman io honda' monjadi murid-Ku, io gola' moninggalan somuo umputnnyo.”

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Lukas 9:33

Watu koduo nabi nantai honda' moninggalan Yesus, Petrus bopandir ko Yesus, “Guru, boi' bondar kito di si'itn. Biaram koi bulah tigo buah potungguan di si'itn, sobuah pakai' Duatn, sobuah pakai' Nabi Musa, sobuah pakai' Nabi Elia.” Apo Petrus kinyo mongoroti agatn pomandirannyo nantai.