Matius 7:11 - Porjanjian Boharu Torjomahan Baso Dilakng Soari-ari

¹¹ Sodakan kaitn urakng jahat tohu moonji'i inyo boi' ko ana' kaitn. Apotolagi' Allah Bopai di sorugo! Sio paca'an moonji'i inyo boi' ko sia' inyo mominto ko Sio.”

Matius 7:11 ပူးပေါင်းရင်းမြစ်များ

Matius 23:9

Jangan kaitn moningkau siku' pan di dunia ni'in ‘Bopai’. Obai, kaitn bayo ado siku' mo Bopai, ia'an Allah Bopai inyo di sorugo.

Matius 7:10

Aman ana' kaitn minto ikatn pakai' lou', pasti kaitn kinyo moonji'i ular ko io!

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Roma 3:9

Jadi, sama'an apo kosimpulannyo? Apobai kito urakng Yahudi lobih boi' di hadapan Allah daripado urakng bukai? Samo sokali cado! Koi udah monjolasan obai somuo urakng dikuaso'i ulih dosa, boi' urakng Yahudi honda' pan urakng bukai Yahudi.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Yakobus 1:17

Allah inyo moonji'i somuo inyo boi' huatan sompurna. Sio inyo mombulah matoari, bulatn, huatan somuo bintakng di langit. Sio co kalo borubah sama'an kombayakng inyo bopindah-pindah. Sio hala boi'.

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

1 Yohanes 4:10

Ninam kasih nantai, bukainyo kito inyo udah mongasihi Allah, apo Allah inyo udah mongasihi kito: Sio moutus Ana'-Nyo pakai' mati oca' kito dapat dibebasan doi' hukupan dosa.