Matius 6:9 - Porjanjian Boharu Torjomahan Baso Dilakng Soari-ari

⁹ Obai nantai, kohonda'nyo kaitn bodoa sama'an ni'in: ‘Bopai koi inyo ado di sorugo, suciam damo Duatn.

Matius 6:9 ပူးပေါင်းရင်းမြစ်များ

Matius 10:29

Duo iku' burukng pipit dijual kotakng mudah. Apo co nyiant siku' pan mati kocuali nantai sosuai agatn kohonda' Allah Bopai kaitn.

Matius 23:9

Jangan kaitn moningkau siku' pan di dunia ni'in ‘Bopai’. Obai, kaitn bayo ado siku' mo Bopai, ia'an Allah Bopai inyo di sorugo.

Matius 26:29

Apo porotian ni'in: Aku co paca'an minum anggur agi' sampai Aku minum anggur inyo boharu bosamo-samo agatn kaitn dalapm Koraja'an Allah Bopai-Ku.”

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 5:48

Obai nantai, jadicam kotakng boi', samo sama'an Bopai kaitn di sorugo ia'an kotakng boi'.”

Matius 6:14

Jadi, amputicam boko urakng inyo bulah kosalahan ko kaitn. Obai aman kaitn moamputi sia', ongko Allah Bopai kaitn di sorugo pan paca'an moamputi boko dosa kaitn.

Matius 6:6

Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Matius 7:11

Sodakan kaitn urakng jahat tohu moonji'i inyo boi' ko ana' kaitn. Apotolagi' Allah Bopai di sorugo! Sio paca'an moonji'i inyo boi' ko sia' inyo mominto ko Sio.”

Lukas 15:18

Aku paca'an pulakng huatan botula' ko bopaiku, huatan bopandir ko sio: Bopai, aku udah bodosa tohadap Allah huatan tohadap Bopai.

Lukas 15:21

‘Bopai,’ kato ana' nantai, ‘Aku udah bodosa tohadap Allah huatan tohadap duatn Bopai. Kinyo cucu' agi' aku disobut ana' duatn Bopai.’

Lukas 2:14

“Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

Galatia 1:1

Ko inyo tohormat boko kolompok urakng inyo pocayo agatn Yesus di propinsi Galatia: Surat ni'in doi' aku, Paulus, huatan pan doi' somuo urakng pocayo inyo ado bosamo agatn aku. Aku monjadi rasul bukainyo obai dipilih monsio, pan kinyo diutus ulih monsio. Aku dipilih huatan diutus ulih Rajo Inyo Dijanjian Allah, pakai' momboritoan Kabar Boi' ulih Allah Bopai. Aku pan diutus ulih Allah Bopai inyo bulah Yesus bobali' hidup doi' komatian.

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

1 Timotius 6:16

Ongkah Sioam inyo co paca'an mati agi'. Sio nontapm dalapm cohayo inyo torakng. Cohayo nantai kotakan torakng sampai urakng co ulih mohampiki-Nyo. Co nyiant monsio di dunia ni'in inyo kalo moniant Sio. Monsio di dunia co mampu moniant Sio. Sio bokuaso huatan cucu' dihormati pakai' somanah-manahnyo! Amin.

1 Petrus 1:17

Allah mohakipi somuo urakng sosuai agatn porbuatan sia' siku'-monyiku'. Sio kinyo momihak boko urakng totontu. Jadi, aman kaitn monyobut Sionam Bopai kaitn, jadi kaitn gola' hidup mohormati Sio, somanah kaitn monumpakng sobagai urakng asikng di dunia ni'in.

Wahyu 4:11

“Oi Tuhatn Allah koi. Duatn cucu' monorima' pujian, hormat, ongko kuaso. Obai, Duatn inyo mombulah la'apo pan. La'apo pan inyo ado, boko dipulah, ongkah obai kohonda' Duatam.”

Wahyu 5:12

Sia' somuo bonyanyi agatn saro borakng, “Ana' Domba inyo disombolih nantai, Sio cucu' pakai' monorima' kuaso, kodampuan, hikmat, kokuatan. Sio cucu' dihormati, ditinggian, dipuji!”