Matius 6:7 - Porjanjian Boharu Torjomahan Baso Dilakng Soari-ari

⁷ Solaitn nantai, watu kaitn bodoa, jangan bokomanahan. Boko urakng inyo bolupm mongonal Allah pan molabuhan sama'an nantai jam. Sia' bopikir aman sia' momakai banya' pomandiran boulakng-ulakng kali ongko doa sia' paca'an dikabulan.

Matius 6:7 ပူးပေါင်းရင်းမြစ်များ

Matius 18:17

Aman io kinyo honda' mondinga'an nosihat kaitn, sampaiancam pokaro nantai ko jomaat. Aman io kinyo honda' jam mondinga'an nosihat sia', ongko anggapcam io nantai urakng inyo kinyo mongonal Allah huatan ponagih pajak.

Matius 26:39

Lopas nian, Yesus botula' lobih jouh sodikit. Sio tundu' sampai ko tanah lalu bodoa. Kato-Nyo, “Oi Bopai-Ku, aman ulih, bebasanbo Aku doi' pondorita'an inyo gola' Kualapi ni'in. Apo jangan monurut kohonda'-Ku, apo monurut kohonda' Bopai ja'am inyo jadi.”

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 26:44

Yesus moninggalan sia' lalu botula' bodoa kotigo kalinyo. Sio bodoa agi' pakai' hal inyo samo.

Matius 6:32

Boko urakng inyo kinyo konal Allah hala bogoyap somuonyo nantai. Apo Allah Bopai kaitn di sorugo udah tohu somuo kopontikan kaitn nantai.

Kisah Boko Rasul 19:34

Apo urakng banya' konal agatn io sobagai urakng Yahudi. Jadi, sia' kinyo honda' mondinga'an io. Sia' mondongkakng-mondorah, “Hebat bondar Artemis, dewi urakng Efesus!” Somanah kiro-kiro duo japm, urakng banya' hala mondorah sama'an nantai.