Matius 6:6 - Porjanjian Boharu Torjomahan Baso Dilakng Soari-ari

⁶ Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Matius 6:6 ပူးပေါင်းရင်းမြစ်များ

Matius 14:23

Lopas boko urakng banya' nantai botula', Yesus noi' ko pucu' bukit honda' bodoa sonsiku'an-Nyo. Pas ari mula'i malapm, Yesus ija' sonsiku'an-Nyo di bukit.

Matius 6:18

Ongko, urakng bukai kinyo mongotohu'i obai kaitn tongahan bolampah. Obai Allah Bopai kaitn inyo kinyo kotiat'an inyo ulih moniant hal nantai. Ongko, Sio paca'an moonji'i upah ko kaitn.”

Matius 6:4

Ongko bayo Allah Bopai kaitn inyo ulih mongotohu'i hal nantai, kinyo urakng bukai. Ongko, Sio paca'an moonji'i upah ko kaitn.”

Yohanes 1:48

Natanael botakutn, “Sama'an apo Duatn tohu agatn aku?” Timbas Yesus, “Sobolupm Filipus moningkau kolai, Aku udah moniant kolai di babah kayu ara nantai.”

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Kisah Boko Rasul 10:30

Kornelius monimbas, “Sokomai, aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo.

Kisah Boko Rasul 10:9

Kohobu'annyo boko urakng inyo disiuh Kornelius nantai ija' dalapm pojalatan. Sokitar japm duo bolas siakng, sia' mohampiki kota Yope. Pas nantai, Petrus noi' ko pucu' hatap rumah inyo rato pakai' bodoa.

Kisah Boko Rasul 9:40

Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng.

Roma 8:5

Boko urakng inyo hidup monuruti kohonda' monsio bayo bopikir mongona'i caronyo pakai' mongosihan kohonda'nyo. Apo boko urakng inyo hidup monuruti Roh Allah bayo bopikir mongona'i caronyo monyonangan Roh Allah.

Efesus 3:14

Obai nantai aku tundu' monyungkapan di hadapan Allah Bopai.