Matius 6:4 - Porjanjian Boharu Torjomahan Baso Dilakng Soari-ari

⁴ Ongko bayo Allah Bopai kaitn inyo ulih mongotohu'i hal nantai, kinyo urakng bukai. Ongko, Sio paca'an moonji'i upah ko kaitn.”

Matius 6:4 ပူးပေါင်းရင်းမြစ်များ

Matius 10:42

Jadi, urakng inyo moonji'i socangkir ara'i ko kaitn obai kaitn murid-Ku, urakng nantai kinyo paca'an kohilakan upahnyo.”

Matius 6:18

Ongko, urakng bukai kinyo mongotohu'i obai kaitn tongahan bolampah. Obai Allah Bopai kaitn inyo kinyo kotiat'an inyo ulih moniant hal nantai. Ongko, Sio paca'an moonji'i upah ko kaitn.”

Matius 6:3

Apo, timpu kaitn moonju' sumbakan pakai' urakng jaro, labuhan nantai socaro bototapu'.

Matius 6:6

Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Lukas 8:17

Samo sama'an nantaiam, somuo inyo dibumbutn paca'an kotiat'an; somuo rahasia paca'an dikotohu'i ongko ditorakan.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.