Matius 6:34 - Porjanjian Boharu Torjomahan Baso Dilakng Soari-ari

³⁴ Obai nantai, ari ni'in jangan kuatir mongona'i ari hobu'. Hobu' urusan hobu'. Ado cukup banya' kosusahan dalapm soari pakai' dipikiran.”

Matius 6:34 ပူးပေါင်းရင်းမြစ်များ

Matius 6:25

“Obai nantai, jangan kuatir mongona'i makatan damo minuman pakai' hidup kaitn. Jangan kuatir mongona'i pakai'an pakai' bukakng-tubuh kaitn. Hidup lobih pontikng doi' pomakatn. Bukakng-tubuh lobih pontikng doi' pakai'an.

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Lukas 11:3

Onji'i koi pomakatn tiap ari socukupnyo.

Matius 6:11

Onji'icam koi ari ni'in pomakatn socukupnyo.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Matius 6:27

Aman kaitn kuatir pan kaitn co dapat monambah umur kaitn soari pan.

Lukas 10:41

Apo Tuhatn Yesus monimbasnyo, “Marta, Marta, kolai kuatir ongko monyusahan diri agatn banyaꞌ hal.

Lukas 12:11

Aman kaitn dibaba' ko boko rumah sombayakng pakai' diadili di pohadapan pomorintah damo ponguaso, jangan gola' mongonaꞌi caro kaitn gola' mombela diri. Jangan gola' mongonaꞌi la'apo inyo gola' kaitn pandiran.

Lukas 12:22

Lopasnyo, Yesus bopandir ko boko murid-Nyo, “Obai kodampuan di dunia ni'in kinyo monjamin soluruh kohidupan kaitn, jadi jangan kuatir mongonaꞌi pomakatn pakai' hidup kaitn. Jangan kuatir mongonaꞌi banggi-pakaian pakai' bukakng-tubuh kaitn.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

1 Petrus 5:7

Jangan bogonang mongona'i la'apo pan, apo bodoacam ko Tuhatn oca' Sio mourus somuo mosalah kaitn. Obai, Sio mongombolo kaitn.