Matius 6:18 - Porjanjian Boharu Torjomahan Baso Dilakng Soari-ari

¹⁸ Ongko, urakng bukai kinyo mongotohu'i obai kaitn tongahan bolampah. Obai Allah Bopai kaitn inyo kinyo kotiat'an inyo ulih moniant hal nantai. Ongko, Sio paca'an moonji'i upah ko kaitn.”

Matius 6:18 ပူးပေါင်းရင်းမြစ်များ

Matius 6:6

Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Matius 6:4

Ongko bayo Allah Bopai kaitn inyo ulih mongotohu'i hal nantai, kinyo urakng bukai. Ongko, Sio paca'an moonji'i upah ko kaitn.”

2 Korintus 10:18

Obai, urakng inyo bondar-bondar cucu' dipuji ia'an urakng inyo dipuji Tuhatn, bukainyo urakng inyo momuji dirinyo siku'.

2 Korintus 5:9

Obai somuo nantai, boi' koi hidup damo mati, koi hala bousaha monyonangan hati Tuhatn.

1 Petrus 2:13

Obai Tuhatn, kaitn gola' monaati somuo urakng inyo bokuaso di dunia ni'in: Taat'i jam rajo inyo kotakan bokuaso.

1 Petrus 1:7

Tujuan doi' somuo kosusahan nantai ia'an pakai' mombutian aman kaitn bondar-bondar pocayo ko Tuhatn kata'an cadoai. Kopocaya'an kaitn nantai lobih borogo daripado omas. Biar pan kinyo tahatn somanahnyo, omas pan diuji agatn api pakai' mombutian aman omas nian murni kata'an cado. Jadi, kopocaya'an kaitn pan diuji jam. Agatn ubo nantai, aman kaitn bobondar pocayo, nononyo kaitn tajahannyo dipuji, dimuliaan, ongko dihormati, nantai tajahannyo tojadi watu Yesus Kristus datakng agi' monyatoan diri-Nyo.

Roma 2:6

Timpu nantai, Allah paca'an mombalas sotiap urakng sosuai agatn porbuatannyo.