Matius 5:9 - Porjanjian Boharu Torjomahan Baso Dilakng Soari-ari

⁹ Diborokaticam urakng inyo mombaba' damai, obai Allah paca'an monyobut sia' boko poana'an-Nyo.

Matius 5:9 ပူးပေါင်းရင်းမြစ်များ

Ibrani 12:14

Bousahacam hidup damai agatn somuo urakng. Bousaha jam hidup borosih doi' dosa. Obai, urakng inyo kinyo borosih doi' dosa, kinyo tajahan ulih moniant Tuhatn.

Roma 12:18

Sodapat-dapatnyo aman nantai bogantukng doi' diri kolai siku' bousahacam pakai' hidup damai agatn somuo urakng.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Roma 8:14

Somuo urakng inyo dibimbikng Roh Allah nianam poana'an Allah.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

Kolose 3:13

Aman ado urakng inyo bulah kosalahan agatn urakng bukai, kaitn gola' samo-samo sabar tohadap inyo bukai huatan samo moamputi, ongko kaitn pan gola' moamputi urakng bukai.

Matius 5:48

Obai nantai, jadicam kotakng boi', samo sama'an Bopai kaitn di sorugo ia'an kotakng boi'.”

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

Kisah Boko Rasul 7:26

Kohobu'annyo, Musa botomu agatn duo urakng Israel bukai. Sia' tongahan boporap. Musa moncubo morara'i sia'. Katonyo, ‘Uai kaitn, jangan kaitn boporap! Kaitn ni'in somadikan.’

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

1 Korintus 6:6

Apo ado somadikan inyo mongaduan somadikan di hadapan boko urakng inyo co pocayo.

Filipi 4:2

Ko Euodia ongko Sintikhe, aku kotakan momuhun oca' kaitn bosatu di dalapm Tuhatn.

Lukas 20:36

Sia' tajahan samo sama'an molekat obai co kalo paca'an mati agi'. Sia' nantai boko poana'an Allah obai sia' dipilih-Nyo pakai' hidup kokal di sorugo.

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Roma 8:16

Roh Allah bosamo agatn roh kito monyatoan obai kito nam poana'an Allah.

Roma 8:19

Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.