Matius 5:48 - Porjanjian Boharu Torjomahan Baso Dilakng Soari-ari

⁴⁸ Obai nantai, jadicam kotakng boi', samo sama'an Bopai kaitn di sorugo ia'an kotakng boi'.”

Matius 5:48 ပူးပေါင်းရင်းမြစ်များ

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

Lukas 6:36

Kaitn gola' hala onsi', samo sama'an Bopai kaitn di Sorugo pan onsi'.”

Lukas 6:40

Murid pasti kinyo lobih tinggi pongotohuannyo doi' gurunyo. Apo aman udah tamant doi' polajarannyo pasti samo agatn gurunyo.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

2 Korintus 13:9

Apo koi sonang bondar aman koi kotiat'annyo lomah sama'an nantai. Ni'inan koi doa'an, ia'an oca' kaitn bobondar hidup sobagai boko urakng inyo pocayo.

2 Korintus 7:1

Boko somadikan inyo ku kasihi! Somuo janji Allah nantai pakai' kito. Obai nantai, marabo kito monjago bukakng-tubuh ongko roh kito oca' borosih doi' somuo hal inyo jahat. Agatn sama'an nantai, kito mongkitn hidup husus pakai' Allah kapikng kito gola' agatn Sio.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

Yakobus 1:4

Jadi oca' kokuatan kaitn pakai' botahatn mongkitn botambah. Labuhancam ubo nantai oca' kaitn monjadi dewasa socaro rohani huatan monjadi urakng sompurna, conyiant ado kokurakan apo bisi somuo sipat inyo Allah kohonda'i pakai' umant-Nyo.

1 Yohanes 3:3

Somuo urakng inyo yakitn moharapan obai Sio paca'an mombulah nantai tojadi, sia' monjago diri oca' co bulah dosa samo sama'an Sio co bulah dosa.