Matius 5:42 - Porjanjian Boharu Torjomahan Baso Dilakng Soari-ari

⁴² Aman ado urakng inyo mominto sosuatu ko kaitn, onju' jam! Damo aman ado urakng inyo honda' mominjapm sosuatu doi' kaitn, jangan monula'nyo.”

Matius 5:42 ပူးပေါင်းရင်းမြစ်များ

Matius 5:41

Aman ado urakng inyo momoso kaitn bojalatn sojouh so pal, bojalatncam bosamo agatn io sojouh duo pal.

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Roma 12:20

Jadi, daripado kaitn mombalas, aman musuh kaitn kolaparan, onji'i io pomakatn. Aman io korahakan, onji'i io minum. Agatn caro ubo nantai, somadikan tajahan bulah io malu.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Yakobus 1:27

Apo ninam sombayakng inyo monyonangan Allah Bopai kito. Ia'an io borotian pondorita'an boko bobia' kumang ongko boko urakng balu janda, lalu monulukng sia'. Io pan monjago diri oca' boko hal jahat di dunia ni'in kinyo mompongaruhi io.