Matius 5:37 - Porjanjian Boharu Torjomahan Baso Dilakng Soari-ari

³⁷ Aman kaitn bopandir ‘Au’, padahan ‘Au’ ja'am. Aman kaitn bopandir ‘Cado’, padahan ‘Cado’ ja'am. Jangan momadahan lobih doi' nantai obai inyo lobih doi' nantai boasal doi' Rajo Sitatn.”

Matius 5:37 ပူးပေါင်းရင်းမြစ်များ

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Matius 13:38

Lakau nantai monggambaran dunia ni'in. Bonih gandupm inyo boi' nantai monggambaran boko urakng anggota Koraja'an Sorugo. Apo solalakng nantai monggambaran boko urakng inyo pongikut rajo Sitatn.

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Matius 5:36

Jangannam jam bosumpah obai kopala' kaitn, obai kaitn co bokuaso bulah solamba'i pan hubatn damo rambut hitapm. Bayo Allah inyo ulih molabuhan nantai.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Yohanes 17:15

Aku co minto oca' Duatn monguti' sia' doi' dunia ni'in, apo oca' Duatn molinduki sia' doi' inyo jahat, ia'an Rajo Sitatn.

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Efesus 4:25

Obai nantai, jangan tumbukan. Kaitn gola' momadahan inyo bondar ko boko somadikan inyo bukainyo. Obai, kito sosamo anggota umant Allah.

Efesus 6:16

Dalapm somuo koadaan, kaitn gola' totap kuat pocayo ko Kristus. Nantai ia'an porisai inyo ulih dipakai kaitn pakai' mombuta'i somuo ana' panah boapi doi' Rajo Sitatn.

Kolose 3:9

Jangan bulah kotumbukan ko siku'-monyiku'. Jangan molabuhan boko hal nantai, obai kaitn udah tongga'am agatn caro hidup inyo manah nantai.

Kolose 4:6

Bopandircam agatn ramah huatan co tohu suah. Agatn ubo nian, aman ado urakng inyo monakutan sosuatu mongona'i boko hal inyo kito pocayo, ongko kaitn paca'an tohu caronyo pakai' monimbasinyo.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

Yakobus 5:12

Boko somadikan, hal ni'in kotakng pontikng: Watu kolai bojanji, jangan cubo bosumpah pakai' monguat'an janji nantai agatn namo lapopan di sorugo damo di bumi. Aman kolai bopandir, “Au, aku paca'an molabuhan nantai.” Lalu, labuhancam nantai. Aman kolai bopandir, “Cado, aku co paca'an molabuhan nantai.” Lalu, jangan molabuhan nantai Labuhancam la'apo ja' inyo kolai janjian. Aman cado, nononyo Allah paca'an mohukupm kolai.

1 Yohanes 2:13

Pombopaian! Aku monulisan ni'in ko kaitn obai kaitn udah mongonal Yesus Kristus, ia'an Sio inyo udah ado sobolupm dunia dipulah. Boko urakng muda'! Aku monulis ni'in ko kaitn obai kaitn udah mongalahan inyo jahat.

1 Yohanes 3:12

Jangan kito sama'an Kain doi' joman komai. Sio nam ana' Rajo Sitatn inyo mombunuh adikngnyo. Hibo Kain molabuhan nantai? Obai somuo inyo io labuhan jahat apo somuo inyo dilabuhan adikngnyo bondar.

1 Yohanes 5:18

Kito tohu obai somuo urakng inyo monjadi poana'an Allah, sia' co hidup dalapm dosa. Sia' dilinduki Ana' Allah, ia'an Yesus Kristus. Rajo Sitatn kinyo ulih bulah la'apo pan agatn sia'.