Matius 5:30 - Porjanjian Boharu Torjomahan Baso Dilakng Soari-ari

³⁰ Damo aman longan kanan kaitn bulah kaitn bodosa, tota'cam huatan buakan longan nantai! Obai, lobih boi' kaitn kohilakan salah sobuti' anggota bukakng-tubuh kaitn daripado soluruh bukakng-tubuh kaitn dibuakan ko dalapm noraka nononyo.”

Matius 5:30 ပူးပေါင်းရင်းမြစ်များ

Matius 11:6

Diborokati urakng inyo co monula' Aku!”

Matius 13:21

Apo sia' bayo pocayo sobontar mo obai co bourat. Aman sia' mohadapi pondorita'an huatan didorako'i obai sia' pocayo pomandiran Allah, lalu sia' co honda' pocayo Pomandiran Allah agi'.

Matius 16:23

Yesus mongilikng ko Petrus. Kato-Nyo, “Jangan kolai monjadi sama'an Rajo Sitatn mohalak-halaki Aku momonuhi roncana Allah. Kolai sonjumpat'an pikiran monsio, bukainyo pikiran Allah!”

Matius 17:27

Apo jangannam kito monyinggukng boko ponagih pajak nantai. Jadi, botula'cam ko danau ongko mongoil. Watu kolai bulih ikatn inyo potamo, buka'cam nyao ikatn nantai. Kolai paca'an monomuan ompat pingkai' duit pira' inyo cukup pakai' duo urakng mombayar pajak nantai. Onju' cam duit nantai ko sia' pakai' mombayar pajak kito duo.”

Matius 18:8

Aman longan kaitn huatan kaki kaitn bulah kaitn bodosa tota' ja' lalu buakancam. Obai, lobih boi' aman kaitn mondapat'an hidup somanah-manahnyo di sorugo biar pan co nyiant longan huatan kaki nantai, daripado kaitn totap ado longan huatan kaki nantai apo dibuakan ko dalapm api noraka nononyo.

Matius 22:13

Lalu, rajo nantai bopandir ko boko hulutnnyo, ‘Kobat kaki huatan longan urakng ni'in. Buakancam io ko tompat inyo kotakan potakng. Somuo urakng di santai paca'an monangis ongko bokorit gigi obai kotakan mondorita'.’ ”

Matius 25:20

Hulutn inyo monorima' lima' ribu pingkai' duit nantai datakng mombaba' duit lima' ribu pingkai' agi'. Kato-nyo, ‘Habakng, Duatn moonju' lima' ribu pingkai' duit ko aku. Tiat, aku momakai duit nantai pakai' bousaha ongko aku bodapat kountukan lima' ribu pingkai' agi'.’

Matius 26:31

Di santai, Yesus bopandir ko sia', “Watu malapm ni'in jam, kaitn somuo paca'an moninggalan Aku. Obai gola' tojadi sosuai agatn pomandiran Allah ni'in inyo totulis dalapm Buku Suci: ‘Aku paca'an mombunuh Gombala nantai, lalu boko domba-Nyo paca'an botomboburan.’

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Matius 5:29

Aman mato kanan kaitn bulah kaitn bodosa, cungkilcam huatan buakancam mato nantai! Obai, lobih boi' kaitn kohilakan salah sobuti' anggota bukakng-tubuh kaitn daripado soluruh bukakng-tubuh kaitn dibuakan ko dalapm noraka nononyo.

Markus 9:43

Aman jari kulo mombulah kulo bodosa, tota' ja'am. Obai, lobih boi' aman kulo mondapat'an hidup kokal di sorugo agatn jari sopia' daripado agatn kododuo jari kulo lalu nononyo dibuakan ko dalapm api noraka inyo kinyo kalo buta'. [

Lukas 12:5

Aku momadahan ko kaitn sopo inyo sobondarnyo gola' kaitn kogola'i. Gola'cam agatn Allah! Obai Sio kinyo bayo bokuaso mombunuh urakng. Sio pan bokuaso pakai' mombuakan urakng ko dalapm noraka! Jadi, sobondarnyo Sionam inyo gola' kaitn kogola'i.

Lukas 17:2

Jadi, lobih boi' pakai' sia' aman batu bosar dikokalai ongko dikobat'an ko lihi'nyo, ongko dibuakan ko dalapm lout oca' sia' mati daripado mombulah salah siku' doi' boko urakng inyo kinyo pontikng ni'in bodosa.

Roma 9:33

Samo sama'an pomandiran Allah inyo ditulis di Buku Suci: “Porotiancam! Aku molota'an Batu di Sion. Batu nantai bulah urakng topanjur. Apo urakng inyo pocayo ko Sio, tajahannyo kinyo kalo monjadi malu obai io pocayo.”

1 Korintus 8:13

Obai nantai, aman la'apo inyo aku pua'i bulah salah siku' doi' sia' bodosa, aku co paca'an bopua' dagikng agi' soumur hidupku. Bolai'ku bulah urakng bukai inyo pocayo bodosa.

Galatia 5:11

Aku ija' didorako'i ulih sia' inyo pocayo obai boko urakng gola' disunant oca' ditorima' Allah. Jadi, pasti aku kinyo momboritoan mongona'i sunant. Aku momboritoan mongona'i caro Yesus mati di kayu salib pakai' mombuka' jalatn kosolamant'an. Soandainyo aku momboritoan mongona'i sunant daripado mongona'i komatian Yesus nantai, ongko aku kinyo paca'an bulah sia' godi sama'an aku agi'.

1 Petrus 2:8

“Nantai am ‘Batu bulah sia' topanjur.’ Batu inyo bulah sia' tokorahap.” Sia' topanjur ko batu nantai obai sia' kinyo monaati Pomandiran Allah. Nantaiam inyo udah ditontuan Allah pakai' sia'.