Matius 5:3 - Porjanjian Boharu Torjomahan Baso Dilakng Soari-ari

³ “Diborokaticam urakng inyo jaro di hadapan Allah, obai sia' nantai anggota koluarga Koraja'an Sorugo!

Matius 5:3 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 11:6

Diborokati urakng inyo co monula' Aku!”

Matius 13:16

“Apo kaitn boko murid-ku diborokati. Obai kaitn bobondar moniant huatan bobondar mondinga'.

Matius 19:14

Apo Yesus bopandir, “Biaran ja'am boko bobia' kocit nantai datakng ko Aku! Jangan morarakng sia'. Obai boko urakng inyo monjadi samo sama'an boko bobia' kocit ni'in ia'an anggota koluarga Koraja'an Sorugo”

Matius 24:46

Aman io molabuhan tugasnyo nantai agatn sotia, watu habakngnyo datakng, hulutn nantai paca'an sonang.

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 8:11

Dinga'anbo ni'in: Banya' urakng inyo bukainyo urakng Israel paca'an datakng doi' somuo ponjuru dunia. Sia' paca'an dudu' makatn bosamo agatn Abrahapm, Ishak ongko Yakub di dalapm Koraja'an Sorugo.

Markus 10:14

Yesus godi moniant boko murid-Nyo molabuhan nantai. Kato-Nyo ko sia', “Biaran nam boko bobia' datakng ko aku! Jangan morarakng sia'. Obai, boko urakng sama'an nianam inyo monjadi anggota koluarga Koraja'an Allah.

Lukas 11:28

Apo Yesus bopandir, “Sobondarnyo, lobih diborokati urakng inyo mondingaꞌ pomandiran Allah huatan molabuhannyo!”

Lukas 18:14

Ongko Yesus bopandir, “Dinga'anbo! Timpu pulakng ko rumah, ponagih pajak nantai inyo ditorima' Allah, bukainyo urakng Farisi nantai. Obai Allah tajahan ngombabahan somuo urakng inyo moninggian diri. Apo, Allah tajahan moninggian somuo urakng inyo ngombabahan diri.”

Lukas 22:29

Jadi, Aku paca'an moonju' kuaso ko kaitn pakai' momorintah dalapm Koraja'an Allah, samo samaꞌan Bopai-Ku moonju' kuaso ko aku pakai' monjadi Rajo inyo momorintah somuo Korajaan-Nyo.

Lukas 22:30

Jadi, dalapm Koraja'an-Ku nantai, kaitn tajahan mooso rindakng huatan tohormat obai ulih makatn-minum sotanggaian sosamo agatn Aku. Kaitn siku'-monyiku' tajahan dudu' di tahta pakai' momorintah koduo bolas suku banso Israel.”

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Yohanes 20:29

Kato Yesus ko io, “Kolai pocayo obai kolai udah moniant Aku. Apo diborokati sia' inyo pocayo biar pan sia' co moniant Aku.”

Yakobus 1:10

Urakng dampu inyo pocayo gola' mooso sonang aman Allah morendahannyo jam. Obai, io paca'an mati samo sama'an kombakng di padakng rumput.

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”

Wahyu 22:14

Sonang nyamanam cam somuo urakng inyo monopasi jubah sia'. Sia' paca'an dapat hak pakai' bopua' buah doi' kayu inyo moonji'i kohidupan. Sia' paca'an ulih mansu' ko dalapm kota nantai molalu'i boko pintu gerbakngnyo.

Wahyu 3:17

Kaitn bopandir, ‘Koi cukup dampu. Koi udah mongumpulan banya' kodampuan. Koi conyiant ado kokurakan la'apo pan.’ Apo kaitn co sadar obai sobondarnyo socaro rohani kaitn conyiant ado aponyo. Kaitn molarat, sonsaro, jaro, buto, kolanjakng!