Matius 5:28 - Porjanjian Boharu Torjomahan Baso Dilakng Soari-ari

²⁸ Apo Aku moonju' porintah ni'in ko kaitn: Jangan sampai lolaki borotian botina' ongko honda' bomporajoan agatn io inyo bukainyo bininyo. Aman lolaki nantai molabuhannyo, boroti io udah bomporajoan dalapm hatinyo.

Matius 5:28 ပူးပေါင်းရင်းမြစ်များ

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Matius 5:39

Apo Aku moonju' porintah ni'in ko kaitn: Jangan mombalas urakng inyo molabuhan kojahatan ko kaitn. Umpamonyo, aman urakng monompilikng pipi kanan kaitn sorahan jam pipi kiba' kaitn pakai' ditompilikngnyo.

Roma 7:14

Kito tohu obai Hukupm Torat boasal doi' Roh Allah. Apo, aku ia'an monsio lomah. Aku culih molawatn kohonda'ku pakai' bodosa.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

1 Yohanes 2:16

Boko lapopan inyo ado di dalapm dunia ni'in, ia'an kohonda' monsio, boko hal inyo ditiat lalu dikohonda'i, somuo hal lapo pan inyo monjadian urakng buhau. Somuo nantai kinyo boasal doi' Allah Bopai, apo doi' dunia.