Matius 5:25 - Porjanjian Boharu Torjomahan Baso Dilakng Soari-ari

²⁵ Damo umpamonyo, aman ado urakng inyo monuduh kaitn. Soboi'nyo kaitn bodamai agatn io watu kaitn tongahan dalapm pojalatan ko pongadilan. Aman cado, io paca'an momoso kaitn pakai' dibaba' ko hadapan hakipm. Ongko, hakipm nantai paca'an monyorahan kaitn ko potugas pongadilan. Potugas nantai paca'an momansu'an kaitn ko dalapm ponjara.

Matius 5:25 ပူးပေါင်းရင်းမြစ်များ

Matius 26:58

Petrus mombodapan Sio doi' jouh. Sampai ko rumah nantai, Petrus mansu' ko tongah lamanan lalu dudu' bosamo agatn boko ponjago, oca' ulih mongotohu'i la'apo inyo paca'an tojadi agatn Yesus.

Lukas 18:3

Di kota nantai jam ado siku' urakng botina' balu. Botina' balu nantai hala datakng ko hakipm nantai. Io momuhun, ‘Tulukng pulah koputusan inyo adil obai dalapm pokaro ni'in, aku ninam inyo bondar huatan lawatnku inyo salah.’

2 Korintus 6:2

Obai, di dalapm Buku Suci, Allah bopandir, “Watu Aku sotuju, Aku mondinga'an kolai. Watu ari kosolamant'an, Aku monyolamant'an kolai.” Dinga'ancam, boko somadikan! Watu ni'inan ia'an watu inyo sotuju nantai. Ari ni'in ia'an ari kosolamant'an nantai!

Ibrani 12:17

Kaitn tohu kisahnyo, watu Esau honda' monorima' borokat nantai, io ditula'. Biar pan io monangis bogoyap caro pakai' mombulah'i kosalahannyo io kinyo bodapat kosompatan.

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Ibrani 3:7

Jadi, kaitn gola' monuruti pomandiran Roh Allah ni'in: “Sari ni'in, watu kaitn mondinga' saro Tuhatn,