Matius 5:23 - Porjanjian Boharu Torjomahan Baso Dilakng Soari-ari

²³ Obai nantai, aman umpamonyo kaitn mombaba' posombahan ko pucu' mesbah tompat monyorahan posombahan di tongahlamanan Rumah Allah. Apo di su'utn, kaitn toingant, ado somadikan kaitn inyo sakit hati agatn kaitn.

Matius 5:23 ပူးပေါင်းရင်းမြစ်များ

Matius 23:19

Kaitn boko urakng buto! Posombahan nantai monjadi husus pakai' Allah obai diposombahan di pucu' mesbah nantai. Jadi, pasti mesbah nantai lobih pontikng daripado posombahan nantai.

Matius 5:24

Tinggalan ja'am posombahan nantai di muka' mesbah. Botula'cam mongomboi'i hubukan holu'ai agatn somadikan kaitn nantai. Hoyu' lopas nantai bobali' pakai' moonju' posombahan nantai.

Matius 8:4

Ongko Yesus bopandir ko io, “Jangan mongisahan hal ni'in ko sopo pan. Apo, botula'cam ko imam holu'ai pakai' momastian kolai udah nyamanam. Lopas nian onju'cam posombahan sosuai agatn porintah Musa. Nianam monjadi buti ko urakng bukai, kolai bondar-bondar udah nyamanam.”

Markus 11:25

Aman ado urakng inyo bosalah agatn kaitn, amputicam io sobolupm kaitn bodiritn pakai' bodoa. Kaitn gola' molabuhan nantai oca' Allah Bopai kaitn di sorugo pan tajahan moamputi boko dosa kaitn. [

Lukas 19:8

Lopas nian di rumahnyo, Zakheus bodiritn ongko bopandir ko Yesus, “Tuhatn, Aku bojanji moonju' sobagi'an doi' bando barakngku ko boko urakng jaro. Sotiap urakng inyo kalo aku kolakari, aku bojanji mombayar agi' ompat kali lipat!”