Matius 5:22 - Porjanjian Boharu Torjomahan Baso Dilakng Soari-ari

²² Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Matius 5:22 ပူးပေါင်းရင်းမြစ်များ

Matius 10:17

Boboi'cam! Obai ado boko urakng inyo paca'an monangkap kaitn ongko mombaba' kaitn ko hadapan boko majelis agama pakai' diadili. Sia' paca'an moncambuk kaitn di boko rumah sombayakng.

Matius 10:28

Jangan gola' agatn sia' inyo bayo ulih mombunuh kaitn. Sia' kinyo bokuaso mombunuh jiwa kaitn. Apo kaitn harus gola' agatn Allah. Obai, Sio bokuaso mombonasoan jiwa ongko bukakng-tubuh kaitn di dalapm noraka!

Matius 12:24

Boboropo pomimpitn agama Yahudi doi' kolompok Farisi mondinga' nantai. Apo sia' bopandir, “Io monundukng boko roh jahat momakai kuaso Rajo Sitatn!”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 18:21

Lopas nantai Petrus datakng ko Yesus. Kato io, “Tuhatn, aman somadikanku bulah dosa ko aku, sampai boropo kali kiro aku gola' moamputinyo? Sampai tujuh kali?”

Matius 18:35

Samo sama'an rajo nantai mohukupm hulutnnyo, Allah Bopai-Ku di sorugo paca'an mohukupm kaitn aman kaitn co somombondarannyo moamputi boko somadikan kaitn.”

Matius 23:15

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn bojalatn jouh-jouh bogoyap siku' urakng inyo ulih dipongaruhi oca' io pocayo mansu' agama kaitn. Lopas jadi io mansu' agama kaitn, lalu kaitn bulah io monjadi urakng inyo paca'an mansu' noraka, io urakng inyo duo kali lipat lobih jahat doi' kaitn.

Matius 23:33

Uai kaitn inyo jahat, kaitn koturutan urakng jahat samo sama'an todukng! Jangan bopikir kaitn ulih morarian diri doi' hukupan di noraka!

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Matius 26:59

Boko imam kopala' ongko somuo Majelis agama Yahudi, sia' bousaha goyap buti oca' Yesus ulih dihukupm mati. Jadi, sia' bogoyap boko urakng inyo paca'an moonji'i kosasian inyo kinyo bondar molawatn Yesus.

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Matius 5:34

Apo Aku moonju' porintah ni'in ko kaitn: Jangan bosumpah obai la'apo pan. Jadi, jangan bosumpah obai sorugo, obai sorugo samo sama'an tahta Allah.

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

Markus 14:55

Boko imam kopala' ongko somuo Mahkamah agama Yahudi bousaha bogoyap buti oca' Yesus dapat dihukupm mati. Jadi, sia' bogoyap boko urakng inyo paca'an monjadi sasi pakai' molawatn Yesus. Apo, sia' kinyo bohasil mondapat'an buti la'apo pan.

Markus 15:1

Kotakan sunsukng-pukau, somuo Mahkamah agama Yahudi bokumpul, tomansu' boko imam kopala', boko pomimpitn banso Yahudi huatan boko guru agama Yahudi. Sia' mombulah koputusan oca' Yesus dihukupm mati. Jadi, sia' mongobat jari Yesus momakai rantai lalu mombaba'-Nyo ko gubernur Pilatus. Timpu sia' monyorahan Yesus ko Pilatus,

Lukas 12:5

Aku momadahan ko kaitn sopo inyo sobondarnyo gola' kaitn kogola'i. Gola'cam agatn Allah! Obai Sio kinyo bayo bokuaso mombunuh urakng. Sio pan bokuaso pakai' mombuakan urakng ko dalapm noraka! Jadi, sobondarnyo Sionam inyo gola' kaitn kogola'i.

Lukas 22:66

Pas sunsukng, ado potomuan kolompok pomimpitn agama Yahudi inyo kotakng pontikng. Boko imam kopala' huatan boko guru agama Yahudi ado di santai. Lalu Yesus dibaba' ko hadapan sia'.

Yohanes 11:47

Jadi, boko urakng Farisi nantai bosamo agatn boko imam kopala' monggoyapi Majelis agama Yahudi pakai' bohoupm. Kato sia', “La'apo inyo gola' kito labuhan agatn Urakng nian? Obai, Sio bulah banya' mujisat.

Yohanes 15:25

Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Yohanes 7:20

Urakng banya' nantai monimbas, “Duatn gogilo obai dirasu'i roh jahat! Conyiant ado urakng inyo honda' mombunuh Duatn!”

Yohanes 8:48

Boko pomimpitn agama Yahudi monimbas Yesus, “Pasti bondaram, aman koi mongatoan obai Duatn ninam urakng Samaria huatannyo korasu'an sitatn!”

Kisah Boko Rasul 17:18

Ongko boboropo urakng Yunani inyo pintar-corodi' nantai mula'i botikakng agatn io. Ado inyo doi' kolompok Epikuros. Ado jam doi' kolompok Stoa. Sobagi'an sia' bopandir mongona'i Paulus. Kato sia', “Pomandiran urakng budu nantai kinyo mansu' akal.” Apo inyo bukai bopandir, “Ruponyo io bopandir mongona'i boko duato inyo bolupm kito konal.” Sia' momandiran nantai obai Paulus momboritoan Kabar Boi' mongona'i Yesus huatan sama'an apo boko urakng ulih bobali' hidup doi' komatian.

Kisah Boko Rasul 22:30

Apo komandatn pasukan nantai honda' tohu socaro jolas ma'apo Paulus dituduh ulih boko urakng Yahudi nantai. Jadi, kohobu'annyo io monyiuh oca' Paulus dikoluaran doi' ponjara. Ongko, io mongumpulan somuo pomimpitn Yahudi. Ado boko imam kopala' huatan boko pomimpitn Yahudi inyo kotakan bokuaso di santai. Io monyiuh oca' Paulus dibaba' doi' markas ongko bodiritn di pohadapan sia'.

Kisah Boko Rasul 23:1

Paulus moncorona'i lansukng ko boko pomimpitn Yahudi nantai. Katonyo, “Boko somadikan, sampai ari ni'in aku totap hidup agatn hati nurani inyo borosih di hadapan Allah.”

Kisah Boko Rasul 24:20

Apo, biaram boko pomimpitn urakng Yahudi inyo ado di si'itn moncubo mombutian aman sia' monomuan kojahatan doi' aku di Yerusalem, sama'an watu sia' moadili aku komai di Yerusalem di hadapan Kolompok pomimpitn urakng Yahudi inyo palikng bokuaso.

Kisah Boko Rasul 4:15

Jadi sia' monyiuh oca' koduo rasul nantai dibaba' ko luar ruakan tompat potomuan nantai. Ongko, boko pomimpitn nantai bohoupm.

Kisah Boko Rasul 5:21

Jadi sunsukng pukau, boko rasul mansu' ko tongahlamanan Rumah Allah ongko mula'i mongajar urakng banya', sama'an inyo disiuh molekat tontai. Pontongahan nantai Imam Agukng agatn pokawalannyo mongumpulan boko pomimpitn banso Yahudi inyo kotakan pontikng. Sia' honda' moadoan pokaro. Lopas bokumpul, sia' monyiuh oca' boko rasul nantai dibaba' doi' ponjara.

Kisah Boko Rasul 5:27

Sia' mombaba' boko rasul nantai mansu' pakai' mohadap boko pomimpitn nantai. Ongko Imam Agukng monuduh boko rasul nantai. Katonyo,

Kisah Boko Rasul 6:12

Jadi sia' bulah urakng banya' godi agatn Stefanus. Boko pomimpitn masrakat huatan boko guru Poraturan agama Yahudi jumpat godi jam. Sia' somuo monangkap Stefanus ongko mombaba' io ko kolompok pomimpitn agama Yahudi inyo kotakan pontikng.

Kisah Boko Rasul 6:15

Somuo urakng inyo dudu' di dalapm pokaro kolompok pomimpitn urakng Yahudi nantai moncorona'i Stefanus. Sia' moniant muhonyo bocohayo sama'an muho molekat.

Kisah Boko Rasul 7:37

Musa ni'in jam inyo udah bopandir ko banso Israel, ‘Tuhatn Allah kito paca'an moutus siku' urakng doi' banso kito. Io paca'an monjadi Nabi samo ubo aku inyo monyampaian pomandiran Allah ko kaitn.’

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

1 Korintus 6:10

boko urakng inyo mongolit, boko urakng inyo kaha', boko urakng inyo gala' mabu', boko urakng inyo gala' monjahai'an urakng bukai, boko urakng inyo morampas umputn urakng bukai. Somuo urakng sama'an nian pasti kinyo paca'an mondapat bagian dalapm Koraja'an Allah.

1 Korintus 6:6

Apo ado somadikan inyo mongaduan somadikan di hadapan boko urakng inyo co pocayo.

1 Tesalonika 4:6

Dalapm hal ni'in, jangan jam bulah dosa ko somadikan bukainyo inyo pocayo ko Yesus. Jangan monggogadati io. Obai Tuhatn paca'an mohukupm boko urakng inyo bulah dosa sama'an nantai. Sokomai, koi udah kalo moingant'an kaitn agatn togas mongona'i hal nantai.

Titus 3:2

Ingant'ancam ko sia' oca' jangan monjahai'an damo urakng bukai huatan jangan botikakng. Apo sia' gola' bondar-bondar coraca'an ongko lomah-lombut agatn somuo urakng, tomansu' agatn boko urakng inyo bolupm pocayo ko Yesus.

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Yakobus 2:20

Jangan budu! Aman ado urakng inyo mongatoan io pocayo ko Yesus, apo io co molabuhan porbuatan inyo monyonangan hati Allah, kopocaya'an urakng nantai conyiant gunonyo. Ado buti

Yakobus 3:6

Lidah kito ulih bosipat morusa'an samo sama'an api jam. Lidah kito inyo kotakng jahat doi' somuo bagian bukakng-tubuh inyo bukai. Pomandiran kito ulih monyebaran kojahatan ko soluruh kohidupan kito. Kojahatan nantai morusa'an soluruh kohidupan kito samo sama'an api morusa'an soluruh hutatn nantai. Api nantai memang api doi' noraka.

1 Petrus 2:23

Pas urakng momojah sio, Sio co mombalas momojah sia'. Pas urakng monyisa Sio, Sio co moancapm. Apo Sio monyorahan pokaro-Nyo ko Allah inyo hala mohakipi agatn adil.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

1 Yohanes 2:9

Urakng inyo bopandir obai io udah hidup di dalapm torakng, apo io bonci'an somadikannyo, boroti io ija' hidup di dalapm kogolapan sampai watu ninam.

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.

1 Yohanes 5:16

Aman ado di antaro kaitn inyo moniant somadikannyo bulah dosa, masudku ubo dosa inyo kinyo bulah io bosongkayo doi' Allah somanah-manahnyo, kaitn gola' bodoa pakai' io, lalu Allah tajahan moonji'i kohidupan inyo kokal ko urakng inyo bulah dosa inyo kinyo bulah io bosongkayo doi' Allah somanah-manahnyo. Apo ado dosa inyo tajahan bulah io bosongkayo doi' Allah somanah-manahnyo. Aku co momadahan obai kaitn gola' bodoa pakai' urakng inyo bulah dosa ubo nantai.

Yudas 1:9

Mikhael ia'an pomimpitn molekat, apo io siku' kinyo mohayam sama'an sia'. Timpu, sio botikakng mulut agatn Rajo Sitatn mongona'i bangkai Musa, Mikhael kinyo bopikir io ado kuaso pakai' mohukupm Rajo Sitatn agatn mohayamnyo. Sobali'nyo, io bopandir, “Kironyo Tuhatn siku' paca'an mohukupm kolai!”

Wahyu 20:14

Sotiap urakng inyo damonyo kinyo totulis dalapm Buku Kohidupan nantai, io dibuakan ko dalapm loutan api nantai. Nantai inyo dimasud agatn komatian koduo, ia'an mati somanah-manahnyo. Maut ongko Koraja'an Maut dibuakan ko dalapm loutan api nantai jam.