Matius 5:20 - Porjanjian Boharu Torjomahan Baso Dilakng Soari-ari

²⁰ Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Matius 5:20 ပူးပေါင်းရင်းမြစ်များ

Matius 16:12

Obai nantai, hoyu' sia' mongoroti. Yesus kinyo bomasud oca' sia' monjago diri tohadap ragi roti. Sio bomasud oca' sia' monjago diri tohadap ajaran urakng Farisi ongko urakng Saduki.

Matius 18:5

Aman ado urakng inyo monorima' bobia' kocit sama'an ni'in obai Aku, io samo sama'an monorima' Aku jam.”

Matius 3:10

Kapak pakai' monobakng kayu tuntukng ko akarnyo udah tosodia. Jadi tontanaman inyo kinyo mohasilan buah inyo boi', paca'an ditobakng ongko ditikapan ko api.

Matius 7:21

Kinyo somuo urakng inyo moningkau Aku, ‘Tuhatn, Tuhatn,’ paca'an mansu' ko dalapm Koraja'an Sorugo. Apo bayo boko urakng inyo molabuhan kohonda' Bopai-Ku di sorugo inyo mansu' ko dalapm Koraja'an Sorugo.

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Markus 10:25

Lobih mudah siku' unta tamo molalu'i lubakng jayupm dibandikan urakng dampu mansu' ko dalapm Koraja'an Allah.”

Lukas 11:44

“Allah paca'an mohukupm kaitn boko urakng Farisi. Kaitn ulih disamoan agatn pasaran inyo co momakai tando. Jadi boko urakng kinyo tohu ado pasaran di santai. Lalu agatn kinyo songajo, boko urakng bojalatn di pucu'nyo ongko monjadi kinyo borosih socaro rohani. Sama'an nian jam kaitn mompongaruhi boko urakng pakai' monjadi jahat jam.”

Lukas 12:1

Timpu Yesus botula' doi' rumah urakng Farisi nantai, banyaꞌ bondar urakng bokumpul. Obai sia' kotakng banyaꞌ sampai ado inyo totonja'an kaki siku'-monyiku' obai honda' mondingaꞌ Yesus mongajar. Yesus lobih doholu bopandir ko boko murid-Nyo, “Jagocam diri kaitn oca' co monjadi urakng pompadah boi' samaꞌan pomimpitn agama doi' kolompok Farisi. Kotiat'annyo sia' molayati Allah, apo sobondarnyo cado. Kojahatan sia' mongkitn banyaꞌ, mompongaruhi urakng bukai samaꞌan ragi bulah roti mongkitn mongombakng.

Lukas 18:17

Aku bopandir ko kaitn: Aman urakng kinyo monorima' Koraja'an Allah samaꞌan siku' bobia' kocit, pasti io co tajahan monjadi anggota koluarga Koraja'an Allah.”

2 Korintus 3:9

Obai monsio culih monaati somuo porintah huatan poraturan di Hukupm Torat, jadi polayatan Musa momimpitn monsio monjadi salah di hadapan Allah. Apo, polayatan Roh Allah momimpitn monsio monjadi bondar di hadapan Allah. Jadi, aman polayatan Musa mulia, polayatan Roh Allah pan lobih mulia agi'.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Filipi 3:9

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.

Ibrani 12:14

Bousahacam hidup damai agatn somuo urakng. Bousaha jam hidup borosih doi' dosa. Obai, urakng inyo kinyo borosih doi' dosa, kinyo tajahan ulih moniant Tuhatn.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.