Matius 5:19 - Porjanjian Boharu Torjomahan Baso Dilakng Soari-ari

¹⁹ Obai nantai, aman ado urakng inyo mohilakan salah sobuti' Hukupm Torat nantai, biar pan porintah nantai dianggap kinyo pontikng, huatan io mongajar urakng bukai jam pakai' mohilakannyo, ongko io paca'an dianggap kinyo pontikng di dalapm Koraja'an Sorugo. Apo aman ado urakng inyo molabuhan somuo porintah Allah huatan mongajar urakng bukai pakai' molabuhannyo, io paca'an dianggap pontikng di dalapm Koraja'an Sorugo.

Matius 5:19 ပူးပေါင်းရင်းမြစ်များ

Matius 11:11

Jadi poniant'an, obai Yohanes nantai pontikng daripado somuo urakng bukai di dunia ni'in sampai watu ni'in. Apo somuo anggota koluarga Koraja'an Sorugo, tomansu' inyo palikng kinyo pontikng, somuo sia' lobih pontikng daripado Yohanes nantai.

Matius 19:28

Kato Yesus ko sia', “Dinga'anbo ni'in: Timpu Allah bulah somuo hal monjadi boharu, Ana' Monsio paca'an dudu' di pucu' krosi-Nyo inyo tohormat pakai' momorintah di dunia boharu ni'in. Kaitn boko murid-Ku pan paca'an dudu' di pucu' duo bolas krosi ponguaso. Kaitn paca'an mohakipi koduo bolas suku banso Israel.

Matius 20:26

Apo, kaitn culih ubo nian! Sobali'nyo, urakng inyo honda' monjadi kotakng pontikng di antaro kaitn, io gola' monjadi samo sama'an polayatn kaitn inyo bukai.

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Lukas 1:15

Siaꞌ rindakng obai bobia' nantai paca'an monjadi urakng pontikng di hadapan Tuhatn Allah. Io co ulih minum anggur damo mominum tua' samo sokali. Kuaso Roh Allah paca'an hala momonuhi io ija' tangga'i dalapm porut indainyo.

Lukas 11:42

Allah tajahan mohukupm kaitn boko urakng Farisi obai porbuatan kaitn samaꞌan ni'in. Kaitn moonju' ko Allah populuhan doi' hasil somuo tontanaman sampai inyo tokocit pan ubo boko rorompahan. Apo kaitn kinyo adil agatn urakng bukai. Kaitn kinyo bondar-bondar mongasihi Allah. Poonju' populuhan nantai boi'. Apo jangan sampai tongkolupatn koadilan agatn kasih Allah jam!

Lukas 9:48

Lalu Yesus bopandir ko sia', “Urakng inyo monorima' bobia' kocit ni'in obai Aku, boroti io monorima' Aku jam. Huatan urakng inyo monorima' Aku, monorima' Allah inyo moutus Aku. Obai urakng inyo palikng kocit monurut monsio, sobondarnyo io inyo palikng pontikng monurut Allah.”

Kisah Boko Rasul 1:1

Kopado inyo tohormat Teofilus: Aku udah monulis buku ko kolai. Di dalapm bukuku inyo potamo nantai, aku mongisahan somuonyo mongona'i Yesus, somuo hal inyo udah Sio labuhan huatan ajaran. Aku mongisahan somuonyo doi' potamo polayatan-Nyo

Roma 3:8

Hibo kito co bopandir aja', “Maracam kito bulah kojahatan oca' Allah kotakan dimuliaan.” Pasti ajaran nantai kotakan salah! (Memang ado urakng inyo monyebaran kisah tumbukan obai koi monyampaian ajaran inyo salah sama'an nantai. Nononyo pantas aja' Allah mohukupm boko urakng inyo tumbukan nantai.)

Roma 6:1

Aman sama'an nian, apo inyo ulih kito pandiran? Apobai kito ulih hala mombulah dosa oca' Allah mongkitn monunju'an koboi'an-Nyo ko kito?

Roma 6:15

Jadi sama'an apo? Aku momandiran obai kito co hidup dibabah kuaso Hukupm Torat, apo kito hidup dibabah kuaso Allah inyo torus-monorus monunju'an koboi'an-Nyo ko kito. Apobai nantai boroti kito suba' mo mombulah dosa? Samo sokali cado!

1 Timotius 6:11

Apo kolai, Timotius, jangan molabuhan boko porbuatan inyo jahat sama'an nantai. Kolai polayatn Allah. Kolai gola' bousaha hidup bondar di hadapan Allah, hidup sosuai agatn kohonda' Allah, pagutn sotia ko Allah, huatan mongasihi urakng bukai, botahatn mohadapi ajab sonsaro, bosikap lomah-lombut.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

1 Petrus 5:4

Lalu, watu Kristus datakng, ia'an Gombala inyo moirikan somuo gombala, jadi kaitn paca'an mondapat'an mahkota inyo mulia. Mahkota nantai kinyo hilakng komulia'annyo.

1 Yohanes 3:4

Urakng inyo hala bulah dosa, inyo nian molanggar boko porintah Allah. Obai, bulah dosa samo agatn molanggar boko porintah Allah.

Wahyu 2:20

Apo, Aku moolikan kaitn mongona'i hal ni'in: Kaitn mombiaran botina' nantai, Izebel, monyosat'an umant-Ku. Io mongaku' dirinyo nabi, apo io udah monipu boko hulutn-Ku. Io mongajar oca' sia' bulah dosa bomporajoan, ongko oca' sia' makatn dagikng doi' bonatakng inyo diposombahan ko songiang-duato.