Matius 5:18 - Porjanjian Boharu Torjomahan Baso Dilakng Soari-ari

¹⁸ Dinga'anbo ni'in: Somanah ija' ado langit huatan bumi, co nyiant la'apo pan inyo paca'an dihilakan doi' Hukupm Torat, biar pan sobuti' hurup damo sobuti' titik, sampai somuonyo tojadi.

Matius 5:18 ပူးပေါင်းရင်းမြစ်များ

Matius 10:15

Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Matius 10:42

Jadi, urakng inyo moonji'i socangkir ara'i ko kaitn obai kaitn murid-Ku, urakng nantai kinyo paca'an kohilakan upahnyo.”

Matius 11:11

Jadi poniant'an, obai Yohanes nantai pontikng daripado somuo urakng bukai di dunia ni'in sampai watu ni'in. Apo somuo anggota koluarga Koraja'an Sorugo, tomansu' inyo palikng kinyo pontikng, somuo sia' lobih pontikng daripado Yohanes nantai.

Matius 13:17

Pondinga'ancam! Joman komai banya' nabi ongko urakng bukai inyo hidup bondar di hadapan Allah, honda' moniant somuo inyo kaitn tiat, apo co kalo moniantnyo. Sia' honda' mondinga' somuo inyo kaitn dinga', apo co kalo mondinga'nyo.”

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Matius 17:20

Yesus monimbasi sia', “Kaitn kinyo ulih monundukng roh jahat nantai obai kaitn kurakng pocayo. Dinga'anbo ni'in: Aman kaitn pocayo sodikit ja', soumpamo kaitn monyiuh bukit ni'in, ‘Pindahcam ko su'utn!’ Ongko bukit ni'in paca'an pindah. Aman kaitn pocayo sama'an nantai, kinyo paca'an ado sosuatu inyo kinyo ulih kaitn pulah. [

Matius 18:18

Dinga'anbo ni'in! Aman kaitn mongobat sosuatu di dunia ni'in, hal nantai pan paca'an dikobat di sorugo. Apo aman kaitn molopasan sosuatu di dunia ni'in, hal nantai pan paca'an dilopasan di sorugo.

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Matius 19:23

Yesus bopandir ko boko murid-Nyo, “Dinga'anbo ni'in: Uyuh bondar urakng dampu monjadi anggota koluarga koraja'an Sorugo.

Matius 19:28

Kato Yesus ko sia', “Dinga'anbo ni'in: Timpu Allah bulah somuo hal monjadi boharu, Ana' Monsio paca'an dudu' di pucu' krosi-Nyo inyo tohormat pakai' momorintah di dunia boharu ni'in. Kaitn boko murid-Ku pan paca'an dudu' di pucu' duo bolas krosi ponguaso. Kaitn paca'an mohakipi koduo bolas suku banso Israel.

Matius 21:21

Timbas Yesus ko sia', “Dinga'anbo! Aman kaitn ulih pocayoam ongko co gangga'-gua'an, bulah mujisat sama'an la'apo inyo Aku labuhan ko kayu ara nantai. Apo bukainyo bayo nian ja'. Soumpamonyo kaitn monyiuh bukit ni'in, ‘Toangkat lalu tobuakng ko dalapm lout!’ Jadi hal nantai paca'an tojadi.

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”

Matius 23:36

Dinga'ancam! Somuo urakng joman ni'in paca'an monanggukng hukupan doi' somuonyo nantai.”

Matius 24:2

Yesus bopandir ko sia', “Porotian somuonyo nantai! Dinga'anbo, nononyo, somuo inyo kaitn tiat nantai paca'an dihancuran. Somuo boko batu nian paca'an ditumpuran.”

Matius 24:47

Pasti, habakngnyo paca'an moangkat io agi' monjadi pongurus somuo inyo umputn habakngnyo.

Matius 25:12

Apo pongantitn lolaki nantai monimbasi, ‘Cado! Aku co konal agatn kaitn.’

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Matius 25:45

Rajo nantai paca'an monimbas sia', ‘Dinga'an cam! Timpu kaitn co molabuhan boko hal sama'an nantai pakai' salah siku' urakng doi' somadikan-Ku inyo kotakng jaro ni'in, nantai samo sama'an kaitn co molabuhan boko hal nantai pakai' Aku jam.’

Matius 5:26

Dinga'anbo kaitn co paca'an koluar doi' dalapm ponjara sobolupm kaitn mombayar somuo kamuh kaitn nantai.”

Matius 6:16

“Watu kaitn bolampah, jangan mato-muho kaitn kotiat'an salu'. Boko urakng inyo pompadah boi' molabuhan sama'an nantai. Sia' songajo bulah mato-muho sia' kotiat'an salu' oca' urakng bukai tohu obai sia' tongahan bolampah. Kotakng bondar inyo Aku pandiran ni'in: Sia' udah mondapat upah sia' doi' sosamo monsio.

Matius 6:2

Contohnyo, timpu kaitn moonju' sumbakan pakai' urakng jaro, jangan buhau agatn hal nantai. Boko urakng inyo pompadah boi' inyo bulah sama'an nantai. Sia' gala' moonji'i sumbakan pakai' urakng jaro di hadapan urakng banya' di boko rumah sombayakng huatan di jalatn. Sia' molabuhannyo agatn caro nantai oca' urakng bukai mohormati sia'. Kotakng bondar inyo Aku pandiran ni'in: Sia' udah bodapat upah doi' sosamo monsio.

Matius 8:10

Yesus hiratn mondinga' pomandiran powira nantai. Yesus bopandir ko sia' inyo tuyut Sio. Kato-Nyo, “Dinga'anbo, Aku bolupm kalo monomuan iman sobosar ni'in. Doi' banso-Ku urakng Israel, bolupm kalo ku tomu'i urakng inyo pocayo ko Allah samo sama'an powira Romawi ni'in.

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Markus 10:29

Timbas Yesus, “Dinga'an cam! Boko urakng inyo udah moninggalan rumahnyo, boko somadikannyo, urakng tuhonyo, boko poana'annyo, damo lakaunyo obai sia' pocayo koAku ongko obai momboritoan Kabar Boi',

Markus 11:23

Dinga'anbo! Kaitn gola' pocayo obai la'apo pan inyo kaitn katoan pasti tajahan tojadi. Sotiap urakng inyo pocayo, kinyo gangga'-gua'an, soandainyo io monyiuh bukit ni'in, ‘Tocabut lopasnyo tonggolapm ko dalapm lout!’ Hal nantai tajahan tojadi.

Markus 12:43

Yesus moningkau boko murid-Nyo huatan bopandir ko sia', “Dinga'an bo! Sobondarnyo botina' balu inyo jaro ni'in moonji'i lobih doi' somuo urakng bukai inyo momansu'an duit ko dalapm kotak posombahan nantai.

Markus 13:30

Sobondarnyo inyo Aku pandiran ni'in: Boko urakng doi' joman ni'in kinyo tajahan mati sobolupm somuonyo ni'in tojadi.

Markus 14:18

Tongahan sia' dudu' makatn di santai, Yesus bopandir, “Dinga'an bo! Siku' doi' antaro kaitn inyo makatn bosamo agatn Aku paca'an monyorahan Ku ko boko urakng inyo molawatn Aku.”

Markus 14:25

Apo porotian cam ni'in: Aku kinyo paca'an minum anggur agi' sampai Aku minum anggur inyo boharu dalapm Koraja'an Allah.”

Markus 14:30

Apo Yesus bopandir ko io, “Dinga'an nam! Timpu malapm ni'in jam kulo paca'an monyangkal Aku sampai tigo kali sobolupm manu' bokuku' duo kali.”

Markus 14:9

Dinga'an bo! Di soluruh dunia, di mono aja' Kabar Boi' diboritoan, la'apo inyo di pulah botina' ni'in paca'an dikisahan jam sampai kinyo kalo tongkolupatn mongona'i io.”

Markus 3:28

Dinga'ancam! Sotiap urakng inyo bodosa damo mohanyam, urakng nantai ulih diamputi.

Markus 6:11

Apo aman kaitn kinyo ditorima' boko urakng di sobuah laman, aman sia' co honda' mondinga'an kaitn, koluar ja'am doi' laman nantai. Tata'an dobu doi' kaki kaitn pakai' momporingant'i sia'.”

Markus 8:12

Sio mongoluh dalapm hati-Nyo. Lalu kato-Nyo, “Mapo boko urakng joman ni'in mominto Aku mombulah mujisat? Dinga'anbo! Aku co paca'an mombulah mujisat sama'an di kohonda'i kaitn!”

Markus 9:1

Yesus pan bopandir, “Dinga'anbo! Ado urakng di antaro kaitn somuo di si'itn inyo kinyo paca'an mati sobolupm moniant Koraja'an Allah datakng agatn kuasonyo.”

Markus 9:41

Sotiap urakng inyo monulukng kaitn obai kaitn nantai murid Kristus, pasti am urakng nantai paca'an monorima' upahnyo. Biar pan urakng nantai bayo moonji'i kaitn socangkir ara'i pakai' diminum. Dinga'anbo! Urakng nantai kinyo paca'an kohilakan upahnyo.”

Lukas 11:51

mula'i doi' mombunuh Habel sampai mombunuh Nabi Zakharia inyo tojadi di antaro mesbah; tompat monyorahan posombahan huatan Rumah Allah. Porotian, boko urakng joman ni'in pasti tajahan dihukupm obai somuonyo nantai.”

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Lukas 13:35

Obai nantai, nononyo Allah tajahan co poduli ongko kinyo molinduki kaitn. Sio co molinduki agi' Rumah Allah huatan soluruh kota Yerusalem. Kaitn co tajahan moniant Aku agi' sampai kaitn bopandir mongonaꞌi Aku, ‘Sio ni'in datakng agatn kuaso Allah. Mara momuji Sio!’ ”

Lukas 16:17

Apo, boko Porintah Allah totap bolaku. Biar pan langit ongko bumi mungkitn ulih hilakng, apo Hukupm Torat kinyo paca'an mungkitn ado bagian kotakng kocit pan inyo tajahan balakng.

Lukas 18:17

Aku bopandir ko kaitn: Aman urakng kinyo monorima' Koraja'an Allah samaꞌan siku' bobia' kocit, pasti io co tajahan monjadi anggota koluarga Koraja'an Allah.”

Lukas 18:29

Kato Yesus, “Pocayocam! Boko urakng inyo udah moninggalan rumahnyo, bininyo, boko somadikannyo, urakng tuhonyo, damo poana'annyo oca' sia' ulih molayati Allah huatan Korajaan-Nyo,

Lukas 23:43

“Pocayocam,” kato Yesus ko io, “Ari ni'in kolai tajahan sosamo agatn Aku di sorugo.”

Lukas 4:24

Ongko Yesus bopandir agi', “Dinga'an bo sobondarnyo conyiant nabi inyo dirogo'i di tompat asalnyo siku'.

Yohanes 1:51

Lalu Yesus bopandir, “Bondar-bondar pocayo cam! Kaitn paca'an moniant langit tobuka', lalu boko molekat Allah turutn noi' ko ‘Ana' Monsio.’ ”

Yohanes 10:1

Yesus ija' bopandir, “Pondinga'an bobondarcam, la'apo inyo Ku pandiran ni'in: Aman ado urakng inyo tamo ko dalapm kandakan domba, apo io kinyo molalu'i lawakng kandakan nantai, umpamonyo io mansu' monoi' doi'dindikng damo noi' doi' tompat bukai, urakng ubo nian urakng pongolit huatan porampok.

Yohanes 10:7

Obai nantai Yesus bopandir agi', “Pondinga'an bobondarcam inyo Ku pandiran ni'in: Aku ninam samo agatn lawakng kandakan pakai' domba nantai.

Yohanes 12:24

Porotiancam contoh ni'in: aman sobigi' gandupm jatu' ko dalapm tanah, bigi' nantai gola' mati holu sobolupm lantakng monjadi tontanaman. Aman bigi' nantai co mati, io totap sobigi' mo. Apo, aman inyo mati huatan lantakng, inyo paca'an mohasilan banya' buah.

Yohanes 13:16

Pondinga'an bobondarcam! La'apo inyo Ku pandiran ni'in: Siku' urakng hulutn kinyo lobih pontikng doi' habakngnyo. Siku' urakng inyo diutus kinyo lobih pontikng doi' urakng inyo moutusnyo.

Yohanes 13:38

Timbas Yesus, “Bobondar? Kolai siap mati pakai' Aku? Pondinga'an bobondar cam la'apo inyo Ku pandiran ni'in: Kolai paca'an monyangkal Aku sampai tigo kali sobolupm manu' bokuku'.”

Yohanes 14:12

Dinga'ancam boboi' inyo Ku pandiran ni'in: Urakng inyo pocayo ko aku, io paca'an molabuhan pogota'an sama'an inyo Aku labuhan. Malah io paca'an molabuhan boko pogota'an inyo lobih bosar daripado nantai. Kaitn paca'an ulih molabuhan sama'an nantai obai Aku botula' ko Bopai

Yohanes 16:20

Pondinga'an boboi' cam inyo Ku padahan ni'in! Sobontar agi' kaitn paca'an gugu'-gogal monangis obai la'apo inyo paca'an tojadi ko Aku. Apo boko urakng di dunia ni'in inyo co pocayo, sia' paca'an rindakng-totawo. Memang kaitn paca'an salu', apo nononyo kaitn monjadi sonang-nyamanam.

Yohanes 16:23

Timpu nantai, kaitn co paca'an botakutn la'apo pan agi' ko aku. Pondinga'ancam boboi'cam inyo Ku padahan ni'in: Bopai-Ku paca'an moonji'i ko kaitn lapo ja' inyo kaitn pinto ko Sio dalapm damo-Ku.

Yohanes 21:18

Pondinga'ancam boboi' inyo Ku padahan ni'in: Timpu kolai ija' muda', kolai siku' mo mongobat punggukng. Kolai ulih bojalatn ko mono ja' kohonda' kolai. Apo timpu kolai udah tuho nononyo, kolai paca'an mouluran koduo longan kolai. Urakng bukai paca'an mongobat kolai lalu mombaba' kolai ko tompat inyo co kolai kohonda'i.”

Yohanes 3:11

Porotian cam! Koi bopandir mongona'i boko hal inyo koi kotohu'i. Koi momadahan mongona'i boko hal inyo udah koi tiat. Apo kaitn co honda' monorima' kosasian koi nantai.

Yohanes 3:3

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih moniant Koraja'an Allah aman io co dilahiran agi'.”

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Yohanes 5:19

Ongko Yesus monimbas boko pomimpitn agama Yahudi nantai. Kato-Nyo, “Pondinga'ancam bobondar, inyo Ku pandiran ni'in: Ana' kinyo molabuhan boko la'apo doi' kohonda' diri-Nyo siku'. Ana' ongkah molabuhan la'apo inyo Io tiat doi' Bopai. Obai, la'apo inyo dilabuhan Allah Bopai, nantai jam inyo dilabuhan Ana'.

Yohanes 6:26

Kato Yesus ko sia', “Pondinga'anbo bobondar inyo Ku pandiran ni'in: Kaitn monggoyapi Aku bukainyo obai kaitn ngoroti masud doi' boko mujisat. Apo kaitn monggoyapi Aku obai kaitn udah makatn roti nantai sampai konyang.

Yohanes 6:32

Timbas Yesus ko sia', “Pondinga'an bobondarcam inyo Ku pandiran ni'in: Bukainyo Musa inyo moonji'i kaitn roti doi' sorugo. Apo Bopai-Ku inyo moonji'i kaitn roti doi' sorugo, ia'an roti inyo sobondarnyo.

Yohanes 6:47

Pondinga'an bobondarcam inyo Ku pandiran ni'in: Sotiap urakng inyo pocayo agatn Aku, sia' ado kohidupan inyo somanah-manahnyo.

Yohanes 6:53

Jadi, Yesus bopandir ko sia', “Dinga'an bo! Kobondaran inyo Aku pandiran ni'in: Kaitn gola' bopua' isi Ana' Monsio huatan minum darah-Nyo. Aman cado, kaitn kinyo bondar-bondar hidup.

Yohanes 8:34

Kato Yesus ko sia', “Pondinga'an bobondarcam pandir-Ku ni'in! Somuo urakng inyo bulah dosa, sia' samo agatn pacal dosa.

Yohanes 8:51

Porotian boboi' cam inyo Ku pandiran ni'in: Somuo urakng inyo monuruti pomandiran-Ku, sia' co paca'an mati somanah-manahnyo.”

Yohanes 8:58

Kato Yesus ko sia', “Pondinga'an boboi'cam inyo Ku pandiran ni'in: Sobolupm Abrahapm dilahiran, Aku udah Adoam!”

1 Petrus 1:25

Apo, Pomandiran Tuhatn tahatn sampai somanah-manahnyo.” Boko somadikan, Pomandiran Tuhatn Allah nantai am Kabar Boi' inyo udah diboritoan ko kaitn.

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.