Matius 5:16 - Porjanjian Boharu Torjomahan Baso Dilakng Soari-ari

¹⁶ Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 5:16 ပူးပေါင်းရင်းမြစ်များ

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

Titus 2:7

Titus, kolai gola' bulah koboi'an oca' kolai monjadi contoh pakai' somuo sia'. Sotiap kali kolai mongajar, ajaricam agatn hati inyo bujur bondar. Ajaricam agatn caro inyo cucu' pakai' dihormati.

Yohanes 15:8

Aman kaitn bobuah lobat, lalu kaitn monunju'an obai Bopai-Ku mulia. Agatn ubo nian, kaitn maho bondaram monjadi boko murid-Ku.

Efesus 5:8

Memang komainyo kaitn bodiapm di dalapm kogolapan. Apo watu ni'in kaitn udah mansu' ko dalapm torakng obai kaitn mongonal Tuhatn Yesus. Jadi, kaitn gola' hidup agatn caro inyo sosuai pakai' boko urakng inyo hidup di dalapm torakng.

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,

Titus 3:14

Bukainyo bayo nantai, apo somuo urakng inyo pocayo di pulau Kreta nantai gola' bolajar bulah koboi'an. Sia' gola' bousaha pakai' molabuhan nantai oca' sia' ulih monulukng urakng bukai inyo ado kopontikannyo. Aman sia' molabuhan nantai, hidup sia' paca'an boguno.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

2 Korintus 9:13

Doi' polayatan inyo kaitn labuhan nantai. Sia' tajahan momuji Allah obai kotaatan kaitn tohadap kabar boi' mongona'i Kristus inyo udah kaitn jumpati. Sia' pan paca'an momuji Allah obai kaitn agatn sonang hati moonju' sumbakan ko sia' ongko ko somuo urakng.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Ibrani 10:24

Mara kito hala monulukng inyo bukai ongko hala moingant'an inyo bukainyo pakai' mongasihi ongko bulah koboi'an.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!

1 Tesalonika 2:12

Koi hala momadahi ongko hala monguat'an hati kaitn huatan mominto oca' kaitn hidup monyonangan hati Allah. Obai Sio moningkau kaitn pakai' monjadi warga Korajaan-Nyo huatan bodapat komulia'an-Nyo.

1 Petrus 3:1

Ubo nian jam, kaitn boko bini: Kaitn gola' mohormati laki kaitn sobagai kopala' koluarga, biar pan laki kinyo monuruti Pomandiran Allah. Kaitn gola' molabuhan nantai oca' sia' dapat monjadi pocayo. Kaitn pompadohan mongatoan la'apo pan ko sia'.

Kisah Boko Rasul 9:36

Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro.

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

1 Timotius 2:10

Apo caro inyo bondar bopakaian agatn bulah koboi'an. Caro nianam inyo soharusnyo dilabuhan somuo botina' inyo mongaku'i obai sia' monyombah Allah.

Galatia 1:24

Jadi, sia' momuji Allah obai Allah udah morubah caro hidupku.

Titus 3:4

Apo timpu Allah monunju'an koboi'an huatan kasih-Nyo, Sio monyolamant'an kito.

1 Korintus 14:25

Obai kaitn monyampaian posatn-pontal doi' Allah, ongko somuo inyo dibumbutn dalapm hati urakng nantai paca'an dikotohu'i. Jadi, io paca'an moncungkukng huatan monyombah Allah kapikng mongatoan, “Allah bondar-bondar ado di tongah-tongah kaitn.”

Lukas 11:2

Ongko Yesus bopandir, “Aman kaitn bodoa, dinga' ni'in bunyinyo, ‘Bopai, koi bodoa kironyo somuo urakng mohormati damo Duatn. Datakngcam Koraja'an Duatn.

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Matius 23:5

Somuo inyo sia' labuhan bayo oca' urakng bukai mohormati sia'. Contohnyo: Kotak sombayakng inyo dikobat'an di koning huatan di longan, sia' mombosarannyo. Boko rumbai jubah, sia' pulah panjakng oca' kotiat'annyo lobih taat doi' urakng bukai.

Matius 6:16

“Watu kaitn bolampah, jangan mato-muho kaitn kotiat'an salu'. Boko urakng inyo pompadah boi' molabuhan sama'an nantai. Sia' songajo bulah mato-muho sia' kotiat'an salu' oca' urakng bukai tohu obai sia' tongahan bolampah. Kotakng bondar inyo Aku pandiran ni'in: Sia' udah mondapat upah sia' doi' sosamo monsio.

Matius 23:9

Jangan kaitn moningkau siku' pan di dunia ni'in ‘Bopai’. Obai, kaitn bayo ado siku' mo Bopai, ia'an Allah Bopai inyo di sorugo.

Matius 6:9

Obai nantai, kohonda'nyo kaitn bodoa sama'an ni'in: ‘Bopai koi inyo ado di sorugo, suciam damo Duatn.