Matius 5:15 - Porjanjian Boharu Torjomahan Baso Dilakng Soari-ari

¹⁵ Damo samo sama'an pompolitoan. Aman ado urakng inyo monokil pompolitoan, io kinyo monungkau'inyo agatn roga'. Sobali'nyo, io molota'annyo di tompat tobuka' oca' monoraki somuo urakng di dalapm rumah nian.

Matius 5:15 ပူးပေါင်းရင်းမြစ်များ

Markus 4:21

Yesus pan bopandir, “Aman ado urakng inyo mohidupan lampu, io kinyo monungkau'inyo agatn roga' bodamo molota'annyo di babah tompat kotidu'an. Apo io molota'an lampu nantai di pucu' meja oca' ruakan nantai torakng.

Lukas 11:33

Yesus molajuan pongajaran-Nyo. Kato-Nyo, “Aman ado urakng inyo monokil pompolitoan, io kinyo moombakannyo damo monungkau'inyo agatn roga'. Sobali'nyo io molota'an pompolitoan nantai di tompat tobuka' oca' somuo urakng inyo mansu' ko dalapm rumah ulih moniant torakngnyo.

Lukas 11:36

Aman soluruh bukakng-tubuh urakng torakng, huatan conyiant sobagi'an pan inyo golap, jadi soluruh bukakng-tubuh urakng nantai torakng bondar, samaꞌan dipanjah cohayo pompolitoan.”

Lukas 8:16

“Co nyiant urakng inyo monokil pompolitoan lalu monungkau'inyo agatn roga', damo molota'annyo di babah kotidu'an. Apo io moangga'an di pucu' meja oca' somuo urakng inyo mansu' ko dalapm rumah ulih moniant cohayonyo.

Filipi 2:15

Agatn ubo nantai, kaitn hidup agatn caro inyo bondar ongko borosih. Kaitn hidup ubo poana'an Allah inyo culih disalahan biar pan kaitn ado di tongah-tongah boko urakng inyo jahat ongko co mongonal caro hidup inyo bondar. Jadi, kaitn monjadi torakng bagi sia', samo sama'an boko bintakng inyo bocohayo di dunia ni'in.

Ibrani 9:2

Tompat sombayakng nantai dipulah ubo potungguan. Di dalapm potungguan nantai, kotakng buai pohadapan ado kaki pompolitoan ongko meja. Di pucu' meja nantai ado roti inyo diposombahan ko Allah. Di kotakng buai pohadapan nantai disobut Ruakng Suci.

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.