Matius 5:12 - Porjanjian Boharu Torjomahan Baso Dilakng Soari-ari

¹² Joman komai, boko nabi Allah pan dipoulahan sama'an nantai jam. Jadi, rindakng-rigahcam obai kaitn paca'an bodapat upah bosar di sorugo!”

Matius 5:12 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 6:16

“Watu kaitn bolampah, jangan mato-muho kaitn kotiat'an salu'. Boko urakng inyo pompadah boi' molabuhan sama'an nantai. Sia' songajo bulah mato-muho sia' kotiat'an salu' oca' urakng bukai tohu obai sia' tongahan bolampah. Kotakng bondar inyo Aku pandiran ni'in: Sia' udah mondapat upah sia' doi' sosamo monsio.

Lukas 13:34

Lalu Yesus bopandir kotakan salu', “Ihai, boko urakng Yerusalem. Allah moutus boko nabi ko kaitn, apo kaitn monikapi sia' agatn batu sampai mati. Aku honda' hala molinduki kaitn, samo sama'an indai manu' inyo molinduki boko ana'nyo di babah sayapnyo. Apo, kaitn monula'.

Lukas 6:23

Torima' sonang hati aman kaitn dipulah samaꞌan nian. Bonari kotakng rindakng, obai sobondarnyo upah kaitn bosar di sorugo! Obai boko nabi joman komai dipulah angki-bayatn kaitn sama'an nian jam.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Kisah Boko Rasul 16:25

Pas tongah malapm, Paulus ongko Silas tongahan bodoa huatan bonyanyi puji-pujian ko Allah. Somuo tahatan inyo bukai mondinga'an sia'.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Roma 5:3

Bukainyo ongkah nantai saja'! Kito pan sonang-nyamanam pas watu kito mohadapi ajab sonsaro. Obai, kito mongotohu'i obai ajab sonsaro nantai mombulah kito somongkitn botahatn mohadapi ajab sonsaro.

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

Filipi 1:29

Obai, Allah udah moonji'i kosompatan ko kaitn bukainyo bayo pakai' pocayo ko Kristus, apo pakai' mondorita' obai Kristus jam.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

Kolose 3:24

Ingantcam! Kaitn paca'an monorima' borokat doi' Tuhatn. Sobondarnyo, kaitn molayati Kristus. Sio nantai Tuhatn kaitn.

1 Tesalonika 2:15

Ia'an, boko urakng Yahudi inyo molawatn Tuhatn Yesus sampai Sio dihukupm mati. Sia' jam inyo mombunuh boko nabi timpu joman komai huatan sia' jam mondorako'i koi. Sia' udah mombulah Allah kinyo sonang. Sia' jam momusuhi somuo urakng,

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Ibrani 11:33

Obai sia' pocayo, jadi sia' mongalahan boko koraja'an, sia' bulah inyo bondar, sia' mondapat borokat inyo dijanjian Allah. Ado doi' sia' inyo mongatupan nyao boko singa.

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Yakobus 1:2

Boko somadikan, watu kaitn mohadapi bomacapm poncoba'an, kaitn pan gola' mooso sonang-nyaman.

Yakobus 5:10

Boko somadikan, turuticam toladatn boko nabi. Tuhatn moutus sia' pakai' momadahan boko posatn-Nyo. Sia' sonsaro obai molabuhan tugas nantai. Apo, sia' totap sabar botahatn.

1 Petrus 4:13

Apo, soharusnyo kaitn sonang obai kaitn mondorita' samo ubo Kristus jam. Agatn ubo nantai, kaitn tajahan sonang jam nononyo watu Sio datakng lalu monyatoan obai Sio bokuaso.