Matius 5:11 - Porjanjian Boharu Torjomahan Baso Dilakng Soari-ari

¹¹ Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

Matius 5:11 ပူးပေါင်းရင်းမြစ်များ

Matius 10:18

Obai kaitn pongikut Aku, kaitn paca'an dibaba' ko boko ponguaso ongko boko rajo pakai' diadili. Nantaiam watunyo kaitn paca'an bosasi mongona'i Aku ko sia' urakng Yahudi huatan ko boko urakng inyo bukainyo urakng Yahudi.

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 10:39

Sotiap urakng inyo moutamoan kohidupannyo siku', sobondarnyo kinyo paca'an mondapat'an kohidupan inyo sobondarnyo. Apo sotiap urakng inyo monyorahan kohidupannyo siku' pakai' tuyut Aku, pasti paca'an mondapat'annyo.”

Matius 19:29

Ado urakng udah moninggalan rumahnyo, somadikan lolaki ongko botina', bopainyo, indainyo, poana'annyo, ongko lakaunyo. Somuo urakng inyo udah moninggalan somuo nantai obai pocayo ko Aku, sia' paca'an mondapat'an agi' doi' Allah soratus kali lipat. Sia' pan paca'an mondapat'an hidup somanah-manahnyo.

Matius 24:9

Lopas nantai boko urakng paca'an mondorako'i ongko mombunuh kaitn. Soluruh dunia paca'an bonci' agatn kaitn obai kaitn murid-Ku.

Matius 27:39

Boko urakng inyo lalu di santai mohanyam Sio. Sia' monggala'-monggili'an kopala'.

Markus 13:13

Somuo monsio tajahan bonci' agatn kaitn obai kaitn nantai murid-Ku. Apo somuo urakng inyo totap botahatn, sotia koAku, sampai ahirnyo, sia' tajahan disolamant'an.”

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Markus 4:17

Apo sia' bayo pocayo kotakng oca' mo obai kinyo boakar. Aman sia' mohadapi pondorita'an damo disiksa obai sia' pocayo Pomandiran Allah, jadi sia' co honda' pocayo agi'.

Markus 8:35

Obai, sopo aja' inyo bousaha koras mompotahatan kosihnyo paca'an kohilakan kosihnyo. Apo sopo aja' inyo kohilakan kosihnyo obai monjadi pongikut-Ku ongko obai momboritoan Kabar Boi', io paca'an monyalamant'annyo.

Lukas 21:12

Apo, sobolupm somuo nantai tojadi, kaitn paca'an ditangkap ongko didorako'i obai kaitn nantai murid-Ku. Kaitn paca'an diadili di boko rumah sombayakng ongko ditamoan ko dalapm ponjara. Kaitn tajahan dibaba' ko boko rajo huatan ko boko ponguaso pakai' diadili jam.

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Lukas 9:24

Aku momadahan nian obai kaitn gola' mongoroti mongonaꞌi kohidupan inyo somombondarnyo, kohidupan kokal di sorugo. Urakng inyo momontikan kohidupannyo siku', sobondarnyo kinyo paca'an mondapat'annyo. Apo urakng inyo monyorahan kohidupannyo siku' pakai' tuyut Aku, pasti paca'an mondapat'annyo.

Yohanes 15:21

Ado inyo paca'an mondorako'i kaitn obai kaitn ni'inan murid-Ku, obai sia' co mongonal Bopai inyo moutus Aku.

Yohanes 9:28

Jadi sia' mohayam io. Kato sia', “Kolai nam murid Urakng nantai, apo koi ni'in boko murid Musa.

Kisah Boko Rasul 9:16

Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”

Roma 8:36

Ado inyo totulis dalapm Buku Suci: “Obai koi pocayo ko Duatn, jadi sotiap ari boko urakng honda' mombunuh koi. Koi samo sama'an boko domba inyo tajahan disombolih.”

1 Korintus 4:10

Sama'annyo koi budu obai koi molayati Kristus. Apo kaitn bokopintar-corodi'an obai kaitn pocayo ko Kristus. Koi lomah. Apo, kaitn kuat. Koi kinyo cucu' dihormati. Apo kaitn tohormat.

Filipi 1:29

Obai, Allah udah moonji'i kosompatan ko kaitn bukainyo bayo pakai' pocayo ko Kristus, apo pakai' mondorita' obai Kristus jam.

1 Petrus 2:23

Pas urakng momojah sio, Sio co mombalas momojah sia'. Pas urakng monyisa Sio, Sio co moancapm. Apo Sio monyorahan pokaro-Nyo ko Allah inyo hala mohakipi agatn adil.

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.

Wahyu 2:3

Kaitn sabar, botahatn mohadapi ajab sonsaro obai damo-Ku. Kaitn co putus asa.