Matius 4:7 - Porjanjian Boharu Torjomahan Baso Dilakng Soari-ari

⁷ Apo Yesus bopandir ko Rajo Sitatn, “Ado jam pomandiran Allah inyo ditulis dalapm Buku Suci, ‘Jangan moncubo'i Tuhatn, Allah kolai.’ ”

Matius 4:7 ပူးပေါင်းရင်းမြစ်များ

1 Korintus 10:9

Jangan kaitn moncubo'i Kristus, sama'an boboropo doi' sia'. Sia' moncubo'i Kristus sampai Tuhatn mongiripm banya' ular biso pakai' momatu' sia'. Jadi, banya' doi' sia' mati.

Ibrani 3:9

Kato Sio, ‘Somanahan ompat puluh tohutn, angki-bayatn kaitn moniant boko porbuatan-Ku.’ Apo sia' totap moncubo'i Aku huatan mouji Ku.

Kisah Boko Rasul 5:9

Jadi, Petrus bopandir ko io, “Kaitn duo udah bosopakat pakai' monipu koi. Agatn bulah sama'an nantai kaitn duo mouji Roh Tuhatn. Ponyangkatn kaitn Roh Tuhatn kinyo tohu mongona'i porbuatan jahat kaitn. Dinga'an! Sia' inyo udah momasar bangkai laki kolai ado di muka' lawakng. Ni'inan, bangkai kolai pan paca'an sia' baba' ko luar!”

Matius 4:4

Apo Yesus monimbas, “Ado pomandiran Allah inyo ditulis dalapm Buku Suci: Monsio hidup bukainyo bayo doi' pomakatn apo doi' pomandiran Allah jam.”

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Matius 21:16

Boko imam kopala' ongko boko guru nantai bopandir ko Yesus, “Duatn mondinga' la'apo inyo dipandiran boko bobia' ni'in?” Kato Yesus ko sia', “Au, Aku mondinga' mo. Apo pasti kaitn kalo mombaco pomandiran ni'in di Buku Suci: ‘Duatn udah bulah oca' boko bobia' muda' ongko boko bobia' kocit momuji Duatn.’ ”

Lukas 4:12

Apo Yesus bopandir agi' ko Rajo Sitatn, “Pomandiran Allah inyo ditulis dalapm Buku Suci, ‘Jangan moncubo'i Tuhatn, Allah kolai!’ ”

Kisah Boko Rasul 15:10

Jadi, aman nian kohonda' Allah, jangan molawatn Sio. Jangan momoso boko urakng bukai Yahudi oca' monaati somuo porintah ongko poraturan Allah inyo ditulis Musa dalapm buku Hukupm Torat. Hal nantai samo sama'an momoso sia' pakai' momikul bobatn inyo borat dipikul. Angki-bayatn kito huatan kito siku' pan co mampu molabuhan somuo poraturan nantai.