Matius 4:25 - Porjanjian Boharu Torjomahan Baso Dilakng Soari-ari

²⁵ Jadi, banya' urakng tuyut Sio. Ado inyo boasal doi' doerah Galilea, doi' doerah sopuluh kota inyo disobut Dekapolis, doi' doerah Yudea, tomansu' kota Yerusalem, agatn doi' doerah soborakng sungai Yordan.

Matius 4:25 ပူးပေါင်းရင်းမြစ်များ

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Matius 19:2

Banya' urakng inyo tuyut Sio. Sio monyamani boko urakng inyo boponyakit di antaro sia' di santai.

Matius 4:15

“Doerah Zebulon, doerah Naftali, jalatn inyo monuju ko lout, doerah soborakng sungai Yordan, Galilea, doerah boko banso inyo bukainyo banso Yahudi.

Matius 5:1

Timpu Yesus moniant urakng banya' nantai, Sio noi' ko pucu' bukit. Sio dudu' di santai ongko boko murid-Nyo datakng ko Sio.

Matius 8:1

Lopas Yesus turutn doi' bukit, banya' urakng tuyut Sio.

Markus 5:20

Jadi, urakng nantai botula' mongoliliki doerah Dekapolis nantai. Io momboritoan la'apo pan inyo Yesus labuhan ko inyo. Somuo urakng monjadi hiratn.

Markus 6:2

Watu ari Sabat, Yesus mongajar di rumah sombayakng. Timpu boko urakng mondinga' ajaran-Nyo, sia' hiratn bondar. Kato sia', “Doi' mono Urakng ni'in mondapat'an pongotohuan pakai' mongajar sama'an nian? Doi' mono Sio mondapat'an kuaso pakai' mombulah boko mujisat? Padohal, Sio bayo urakng biaso mo. Sio ni'in ana' doi' tukakng kayu. Indai-Nyo bodamo Maria. Boko somadikan-Nyo Yakobus, Yoses, Yudas ongko Simon. Boko somadikan-Nyo inyo botina' ado bosamo kito jam. Jadi, doi' mono Io mondapat somuo pongotohuan ongko kuaso nantai?” Jadi, sia' monula' Sio.

Markus 7:31

Lopas nian, Yesus moninggalan doerah Tirus. Sio molalu'i Sidon, ongko molintasi doerah Dekapolis, lalu botula' ko Danau Galilea.

Lukas 6:17

Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.

Lukas 6:19

Somuo urakng bousaha moncama' Yesus, obai ado kuaso inyo koluar doi'-Nyo inyo monyamani somuo urakng nantai.