Matius 4:24 - Porjanjian Boharu Torjomahan Baso Dilakng Soari-ari

²⁴ Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Matius 4:24 ပူးပေါင်းရင်းမြစ်များ

Matius 17:15

Kato io, “Tuhatn, aku momuhun kasihicam ana'ku. Io kompodihan obai ado ponyakit inyo opat bulah io gogilo babi. Io opat jatu' ko dalapm api huatan opat jatu' ko dalapm ara'i.

Matius 8:6

Kato powira nantai, “Habakng, aku ado siku' urakng hulutn inyo kotakng kompodihan. Io monggarikng di rumah huatan culih angkat.”

Lukas 5:15

Apo borito mongona'i Yesus nantai toborito ko mono-mono jam, sampai banyaꞌ urakng datakng honda' mondingaꞌan Yesus. Sia' pan minto dinyamani doi' ponyakit sia' jam.

Lukas 2:2

Ni'inam sensus potamo kalinyo diadoan, timpu Kirenius monjadi gubernur di doerah Siria.

Matius 17:18

Yesus monundukng roh jahat inyo bulah bobia' nantai boponyakit oca' koluar doi' bobia' nantai. Jadi, koluaram roh jahat nantai. Lansukng nyamanam bobia' nantai.

Matius 15:22

Siku' botina' doi' doerah nantai datakng ko Yesus. Botina' nantai doi' banso Kanaan. Sio moningkau, “Tuhatn, Rajo doi' koturutan Daud. Kasihicam aku! Ana' botina' ku dirasu'i roh jahat. Io kotakan podih jorih.”

Matius 12:22

Lopas nian ado urakng inyo dirasu'i roh jahat dibaba' ko Yesus. Urakng nantai buto huatan bisu. Yesus monyamani io sampai io ulih moniant huatan bopandir agi'.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Markus 2:3

ado ompat urakng datakng mombaba' siku' urakng lumpuh. Sia' honda' mombaba' urakng nantai ko Yesus pakai' dinyamani.

Markus 1:32

Watu kobabahariannyo, lopas matoari tonggolapm, banya' urakng boponyakit dibaba' ko Yesus, tomansu' inyo korasu'an boko roh jahat.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Kisah Boko Rasul 15:41

Paulus ongko Silas botula' mondataki boko kota di propinsi Siria huatan Kilikia. Di su'utn, sia' duo monulukng boko somadikan oca' pocayo agatn Yesus lobih kuat.

Lukas 4:14

Lopas nian, Yesus pulakng ko doerah Galilea, bisi agatn kuaso Roh Allah. Kabar mongonaꞌi Sio tosebar di doerah Galilea nantai.

Markus 1:28

Jadi kabar mongona'i Yesus copat toborito di soluruh doerah Galilea nantai.

Matius 14:1

Timpu nantai, Herodes ia'an rajo di doerah Galilea. Io mondinga' boko borito mongona'i Yesus.

Yohanes 10:21

Apo inyo bukai bopandir, “Pomandiran nantai bukainyo doi' urakng inyo korasu'an sitatn! Co mungkitn sitatn ulih bulah urakng buto sampai ulih moniant!”

Matius 9:35

Yesus bokolilikng ko somuo kota ongko desa. Sio mongajar dalapm boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio pan monyamani boko urakng doi' somuo macapm ponyakit.

Matius 9:26

Ongko borito mongona'i nantai tosebar ko somuo doerah nantai.

Matius 8:28

Lopas nian, Yesus bosamo boko murid-Nyo sampai di soborakng danau di doerah Gadara. Di santai, ado duo urakng inyo dirasu'i boko roh jahat inyo tinggal di boko gua tompat pasaran. Duo urakng nantai kotakng bobohayo sampai co nyiant urakng inyo borani molalu'i jalatn nantai. Duo urakng nantai datakng ko Yesus,

Matius 8:33

Boko ponjago babi nantai moniant poristiwa nantai. Jadi, sia' rari ko kota. Di santai, sia' mongisahan somuo hal inyo tojadi, tomansu' la'apo inyo tojadi agatn koduo urakng nantai inyo komainyo korasu'an boko roh jahat.

Markus 2:4

Apo sia' culih mansu' ko dalapm rumah obai banya' bondar urakng. Ongko sia' mongaro hatap pas di pucu' tompat Yesus mongajar. Sia' mouluran urakng lumpuh nantai inyo diulit'an di tikarnyo.

Markus 2:9

Mono inyo lobih mudah, bopandir ko urakng lumpuh ni'in ‘Dosa kolai udah diamputi’ kata'an bopandir ‘Bodiritncam, angkat tikar kolai nantai ongko bojalatncam’?

Lukas 4:38

Lopas nantai, Yesus koluar doi' rumah sombayakng huatan botula' ko rumah Simon. Montuho botina' Simon tongahan gorikng bosar. Ongko sia' minto Yesus pakai' monyamaninyo.

Lukas 5:24

Apo aman Aku monyamani urakng lumpuh ni'in, kaitn tajahan tohu obai Ana' Monsio bokuaso moamputi dosa!” Lalu Yesus bopandir ko urakng lumpuh nantai, “Bodiritn cam, baba' kotidu'an kolai, huatan pulakngcam!”

Lukas 7:17

Borito mongonaꞌi la'apo inyo dipulah Yesus nantai todinga' di soluruh doerah Yudea ongko sokolitarnyo.

Kisah Boko Rasul 28:9

Lopas nantai, somuo urakng bukai inyo boponyakit di pulau nantai datakng ko Paulus. Somuo sia' dinyamani jam.