Matius 4:14 - Porjanjian Boharu Torjomahan Baso Dilakng Soari-ari

¹⁴ Kojadian nantai tojadi oca' pomandiran Allah monjadi nyata. Timpu joman komai nabi Yesaya monulis pomandiran Allah nantai dinga' ni'innan bunyinyo:

Matius 4:14 ပူးပေါင်းရင်းမြစ်များ

Matius 1:22

Somuo hal nantai tojadi oca' pomandiran Tuhatn Allah ditopati. Timpu joman komai ado nabi inyo monulis pomandiran Allah nantai:

Matius 2:15

Sia' bodiapm di su'utn sampai Rajo Herodes mati. Kojadian nantai tojadi oca' pomandiran Tuhatn Allah monjadi nyata. Timpu joman komai ado nabi inyo monyampaian pomandiran Allah nantai dinga' ni'innan bunyinyo: “Aku paca'an moningkau Ana'-Ku koluar doi' Mesir.”

Matius 2:23

Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Matius 26:54

Apo aman Aku molabuhan nantai, lalu tulisan di dalapm Buku Suci mongona'i Aku kinyo paca'an digonapi. Tulisan nantai momandiran obai somuonyo gola' tojadi sama'an inyo tojadi watu ni'in.”

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Matius 4:15

“Doerah Zebulon, doerah Naftali, jalatn inyo monuju ko lout, doerah soborakng sungai Yordan, Galilea, doerah boko banso inyo bukainyo banso Yahudi.

Matius 8:17

Poristiwa nantai tojadi oca' pomandiran Allah monjadi nyata. Timpu joman komai Nabi Yesaya monulis pomandiran Allah nantai dinga' ni'innan bunyinyo: “Sio nanam monanggukng ajab sonsaro kito huatan monyamani ponyakit kito.”

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Yohanes 15:25

Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.