Matius 4:12 - Porjanjian Boharu Torjomahan Baso Dilakng Soari-ari

¹² Lopas nantai, Yesus mondinga' obai Yohanes dimansu'an ko dalapm ponjara. Jadi, Yesus moninggalan doerah Yudea ongko bobali' ko doerah Galilea.

Matius 4:12 ပူးပေါင်းရင်းမြစ်များ

Matius 11:2

Yohanes Pombaptis tongahan ado dalapm ponjara. Io mondinga' mongona'i pogota'an Yesus Kristus.

Matius 14:3

Cukup manah sobolupm nantai, Herodes bobini agatn Herodias, apo komainyo Herodias nantaiam bini somadikan Herodes, damonyo Filipus. Jadi, Yohanes opat monogur Herodes. Katonyo, “Kulo culih bobini agatn Herodias!” Obai nantai, Herodes monyiuh oca' Yohanes ditangkap, dikobat agatn rantai lalu dimansu'an ko dalapm ponjara.

Markus 1:14

Lopas Yohanes ditangkap ongko dimansu'an ko ponjara, Yesus botula' ko propinsi Galilea, momadahan Kabar Boi' doi' Allah.

Markus 6:17

Cukup manah sobolupm nantai, Herodes kawitn agatn Herodias, apo komainyo Herodias nantai bini somadikan Herodes, damonyo Filipus. Jadi, Yohanes kalo monogur Herodes. Katonyo, “Kolai culih kawitn agatn Herodias!” Obai nantai, Herodes moyiuh urakng oca' Yohanes ditangkap, lalu dikobat agatn rantai di dalapm ponjara.

Lukas 23:5

Apo boko pomimpitn urakng Yahudi hala nyosahan. Kato sia', “Sio mohasut boko urakng pakai' momborontak. Niannam pongajaran-Nyo di soluruh tanah urakng Yahudi. Sio mula'i doi' doerah Galilea, sampai ko kota Yerusalem ni'in!”

Lukas 3:20

Apo Herodes malah monambah kojahatannyo. Io monamoan Yohanes ko dalapm ponjara.

Lukas 4:14

Lopas nian, Yesus pulakng ko doerah Galilea, bisi agatn kuaso Roh Allah. Kabar mongonaꞌi Sio tosebar di doerah Galilea nantai.

Lukas 4:31

Lopas nantai Yesus botula' ko kota Kapernaum di Galilea di santai Sio mongajar boko urakng pas Ari Sabat.

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 3:24

(Watu nantai, Yohanes bolupm ditamoan ko dalapm ponjara.)

Yohanes 4:43

Duo ari lopas nantai, Yesus botula' doi' doerah Samaria nantai monuju ko Galilea.

Yohanes 4:54

Jadi, nianam mujisat koduo inyo Yesus pulah di doerah Galilea. Samo sama'an mujisat potamo, Sio bulah mujisat ni'in lopas Sio datakng doi' doerah Yudea.