Matius 3:9 - Porjanjian Boharu Torjomahan Baso Dilakng Soari-ari

⁹ Jangan bopikir dalapm hati: Koi koturutan doi' Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan Abrahapm!

Matius 3:9 ပူးပေါင်းရင်းမြစ်များ

Markus 7:21

Obai, banya' pikiran inyo jahat koluar doi' dalapm monsio, ia'an doi' hatinyo. Somuo pikiran jahat nantai mombulah monsio bulah dosa kinyo sonunuh, mongolit, mombunuh,

Lukas 12:17

Io botakutn dalapm hatinyo, ‘La'apo inyo gola' aku pulah? Aku conyiant tompat inyo cukup bosar pakai' monyimpatn hasil lakauku inyo banyaꞌ ni'in.’

Lukas 16:24

Io mondongkakng-mondorah, ‘Bopai Abrahapm! Aku kotakng ajab sonsaro di dalapm api ni'in. Kasihibo aku Bopai! Siuh Lazarus moncolupan jarinyo ko dalapm ara'i ongko datakng mondinginan lidahku agatn ara'i nantai.’

Lukas 19:40

Yesus monimbasi sia' nantai, “Dinga'anbo! Aman boko murid-Ku botongga', boko batu nian tajahan bosura' momuji Allah!”

Lukas 3:8

Jangan jam bopikir dalapm hati: Koi doi' koturutan Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan pakai' Abrahapm! Kaitn gola' molabuhan porbuatan inyo bondar pakai' monunju'an obai kaitn bondar-bondar bobali' doi' dosa samaꞌan tontanaman inyo bobuah huatan monunju'an obai nian tontanaman inyo boi'.

Lukas 5:22

Yesus tohu mo agatn pomikiran sia'. Jadi Sio bopandir ko sia', “Pomikiran di dalapm hati kaitn kotakan salah!

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Yohanes 8:33

Timbas sia', “Koi ni'in koturutan Abrahapm. Koi co kalo monjadi pacal sopo pan! Ubo apo Duatn ulih bopandir obai koi paca'an dibebasan?”

Yohanes 8:37

Memang, Aku tohu kaitn ni'inan koturutan Abrahapm. Apo, kaitn honda' mombunuh Aku obai kaitn co monorima' ajaran-Ku.

Yohanes 8:53

Pasti Duatn co lobih pontikng doi' bopai koi Abrahapm inyo udah mati. Somuo nabi pan udah matiam! Sopo Duatn ni'in?!”

Kisah Boko Rasul 13:26

Boko somadikan koturutan Abrahapm, huatan boko urakng bukainyo urakng Yahudi udah pocayo agatn Allah: Yesus mombuka' jalatn oca' urakng ulih disolamant'an doi' hukupan dosa. Borito nantai udah disampaian ko kito somuo!

Kisah Boko Rasul 15:14

Simon Petrus udah mongisahan pongalapannyo komai. Io mongisahan caro Allah monunju'an koboi'an ko boko banso bukai. Allah momilih boko urakng doi' antaro sia' oca' monjadi umant-Nyo.

Roma 4:1

Jadi, apo inyo ulih kito pandiran mongona'i Abrahapm, angki-bayatn kito? Sama'an apo caronyo io monjadi bondar di hadapan Allah?