Matius 3:7 - Porjanjian Boharu Torjomahan Baso Dilakng Soari-ari

⁷ Apo banya' jam pomimpitn agama Yahudi pan datakng pakai' dibaptis. Ado doi' kolompok Farisi huatan kolompok Saduki. Watu Yohanes moniant sia', io bopandir, “Oi kaitn inyo jahat huatan licik sama'an ular biso! Jangan bopikir kaitn ulih morarian diri doi' hukupan Allah nononyo.

Matius 3:7 ပူးပေါင်းရင်းမြစ်များ

Matius 12:34

Uai kaitn urakng Farisi inyo jahat huatan licik sama'an ular biso! Kinyo mungkitn kaitn momandiran boko hal inyo boi' obai kaitn jahat. Obai, boko pomandiran inyo koluar doi' mulut urakng, koluar doi' dalapm hati urakng nantai.

1 Tesalonika 1:10

Sia' pan mongisahan obai kaitn monanti watu Ana' Allah paca'an datakng agi' ko dunia ni'in doi' sorugo. Ia'an, Yesus inyo udah Allah hidupan agi' doi' komatian. Yesus nantaiam inyo monyolamant'an kito doi' hukupan Allah inyo paca'an datakng.

Roma 1:18

Apo doi' sorugo Allah monunju'an ponggodi-Nyo pakai' somuo urakng inyo bodosa huatan bulah kojahatan. Obai, kojahatan nantai mohalaki monsio mongonal ajaran inyo bondar.

Matius 23:33

Uai kaitn inyo jahat, kaitn koturutan urakng jahat samo sama'an todukng! Jangan bopikir kaitn ulih morarian diri doi' hukupan di noraka!

Roma 5:9

Ni'inan kito udah dibondaran molalu'i komatian Kristus; obai nantai am kito pasti paca'an disolamant'an jam doi' ponggodi Allah molalu'i Kristus.

Matius 22:23

Timpu ari nantai jam, boboropo pomimpitn agama Yahudi inyo bukai datakng ko Yesus. Sia' doi' kolompok Saduki inyo co pocayo obai urakng paca'an bobali' hidup agi' lopas jadi mati. Jadi, sia' honda' monjebak Yesus agatn potakutan mongona'i nantai. Kato sia',

Matius 16:6

Yesus bopandir ko sia', “Jagocam diri kaitn tohadap ragi doi' boko pomimpitn agama Yahudi, doi' kolompok Farisi huatan doi' kolompok Saduki.”

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.

Yohanes 9:40

Boboropo urakng Farisi inyo ado di siatn nantai, sia' mondinga' pomandiran Yesus nantai. Sia' bopandir agatn Sio, “Koi co koi buto.”

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

Kisah Boko Rasul 26:5

Sia' udah manah konal agatn aku. Jadi, aman sia' honda', sia' ulih mongisahan mongona'i caro hidupku komai. Aku tomansu' kolompok urakng Farisi, ia'an kolompok urakng inyo palikng taat molabuhan somuo poraturan agama kito.

Kisah Boko Rasul 20:31

Obai nantai, bojago-jagocam! Ingantcam somanah tigo tohutn, siakng ongko malapm aku co botongga' mongajar kaitn masikng-masikng. Aku monosihat'i kaitn agatn banya' ara'i mato oca' kaitn totap pocayo agatn Yesus.

Kisah Boko Rasul 15:5

Apo ado boboropo urakng inyo pocayo agatn Yesus inyo komainyo pomimpitn agama Yahudi doi' kolompok Farisi. Sia' bopandir, “Boko urakng pocayo inyo bukainyo urakng Yahudi gola' disunant samo sama'an urakng Yahudi. Kito gola' monyiuh sia' pakai' monaati somuo poraturan inyo ditulis Musa.”

Kisah Boko Rasul 5:17

Timpu nantai, ado Imam Agukng agatn boko pongikutnyo. Sia' boasal doi' pomimpitn agama Yahudi doi' kolompok Saduki. Sia' monjadi tungi obai banya' urakng pocayo Kabar Boi' mongona'i Yesus inyo disampaian boko rasul.

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Yohanes 1:24

(Huatan di antaro boko urakng inyo disiuh nantai ado boboropo doi' pomimpitn agama Yahudi doi' kolompok urakng Farisi).

Lukas 18:11

Urakng Farisi nantai lalu bodoa dalapm hati ubo ni'in, ‘Oi Allah, aku bosukur ko Duatn, obai aku co bodosa samaꞌan urakng bukai inyo mongolit, molanggar hukupm, bomporajoan damo jahat samaꞌan ponagih pajak ni'in.

Lukas 16:14

Nah, ado jam boboropo urakng Farisi mondingaꞌan somuo inyo Yesus pandiran nantai. Sia' kotakng gala' agatn duit. Jadi, sia' rindakan Yesus.

Lukas 7:30

Apo boko pomimpitn agama doi' kolompok Farisi ongko boko guru agama Yahudi monula' kohonda' Allah pakai' monyolamant'an sia'. Sia' nantai boko urakng inyo co honda' dibaptis Yohanes.)

Markus 12:18

Lopasnyo, boboropo pomimpitn agama Yahudi inyo bukainyo datakng ko Yesus. Sia' doi' kolompok Saduki inyo kinyo pocayo agatn urakng mati bobali' hidup. Jadi, sia' moncubo mouru'an Yesus agatn potakutan mongona'i nantai. Kato sia',

Markus 12:13

Lopas nian, boboropo pomimpitn agama Yahudi doi' kolompok Farisi agatn boko urakng inyo mondukukng Rajo Herodes disiuh botula' ko Yesus. Tujuan sia' pakai' mouru'an Yesus agatn sobuah potakutan.

Markus 8:15

Yesus moonju' porintah ni'in ko sia'. Kato-Nyo, “Jagocam diri kaitn doi' ragi boko pomimpitn agama Yahudi huatan doi' kolompok Farisi ongko tohadap ragi rajo Herodes.”

Matius 22:34

Boko urakng Farisi mondinga' obai Yesus bulah boko urakng Saduki nantai langunt. Jadi, watu nantai sia' bokumpul.

Matius 22:15

Lopas nian, boko pomimpitn agama Yahudi doi' kolompok Farisi nantai botula'am doi' santai. Sia' bohajat pakai' monakutan sosuatu ko Yesus agatn tujuan oca' sia' ulih monyalahan Yesus.

Matius 12:24

Boboropo pomimpitn agama Yahudi doi' kolompok Farisi mondinga' nantai. Apo sia' bopandir, “Io monundukng boko roh jahat momakai kuaso Rajo Sitatn!”

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Ibrani 6:18

Watu Allah moucap'an janji-Nyo ongko sumpah-Nyo, co mungkitn Sio tumbukan. Koduo hal nantai kinyo ulih borubah. Obai nantai, kito inyo datakng ko Sio oca' dilinduki, hati kito monjadi kotakng kuat pakai' boharap obai nononyo kito paca'an monorima' borokat inyo dijanjian Allah ko kito.

Matius 15:12

Boko murid Yesus datakng lalu bopandir ko Sio, “Kata'an Duatn tohu obai pomandiran Duatn nantai boko urakng Farisi tosinggukng?”

Matius 16:1

Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.