Matius 3:6 - Porjanjian Boharu Torjomahan Baso Dilakng Soari-ari

⁶ Sia' moaku'i boko dosa sia' huatan Yohanes mombaptis sia' di Sungai Yordan.

Matius 3:6 ပူးပေါင်းရင်းမြစ်များ

Kisah Boko Rasul 19:18

Banya' urakng doi' sia' nantai monjadi pocayo ko Yesus, ongko datakng mongaku' boko porbuatan jahat sia' di muka' umum.

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.

Ibrani 9:10

Boko poraturan nantai mongona'i makatan, minuman, huatan bomacapm upacara agama pakai' mombulah urakng borosih. Boko poraturan nantai ongkah poraturan pakai' bukakng-tubuh bukatn hati, huatan boko poraturan nantai ongkah boguno sampai Allah mombulah somuonyo boharu.

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Ibrani 6:2

ajaran mongona'i bomacapm baptisan, ajaran mongona'i molota'an jari ko urakng, ajaran obai boko urakng paca'an bobali' hidup agi' doi' komatian, huatan ajaran mongona'i hukupan inyo somanah-manahnyo.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

1 Korintus 10:2

Agatn boko mujisat nantai, Allah bulah somuo sia' monjadi pongikut Musa.

Kisah Boko Rasul 22:16

Jadi ni'in, jangan monanti agi'. Bodiritn huatan bosodiacam pakai' dibaptis. Bodoacam ko Tuhatn Yesus oca' boko dosa kolai diamputi.’

Kisah Boko Rasul 11:16

Lopas nian aku ingant agi' pomandiran Yesus, Tuhatn kito. Kato-Nyo, ‘Yohanes mombaptis urakng agatn ara'i, apo kaitn paca'an dibaptis agatn Roh Allah.’

Kisah Boko Rasul 1:5

Yohanes mombaptis urakng agatn ara'i. Apo co manah agi' Aku paca'an mombaptis kaitn agatn Roh Allah.”

Lukas 3:16

Yohanes monimbas, “Aku bukainyo Rajo Inyo Dijanjian Allah. Apo kinyo manah agi' Sio tajahan datakng. Sio lobih bokuaso tangga'i Aku. Monjadi hulutn-Nyo inyo kotakng babah pan, aku co cucu'. Aku ongkah mombaptis urakng agatn ara'i. Apo Sio tajahan mombaptis urakng agatn Roh Allah huatan agatn api.

Markus 1:5

Jadi, banya' urakng doi' kota Yerusalem ongko doi' soluruh propinsi Yudea datakng. Sia' mongaku'i dosa sia' lalu io mombaptis sia' di sungai Yordan.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

Lukas 1:16

Io paca'an bulah banya' urakng Israel bobali' pocayo ko Tuhatn Allah siaꞌ.