Matius 3:2 - Porjanjian Boharu Torjomahan Baso Dilakng Soari-ari

² “Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 3:2 ပူးပေါင်းရင်းမြစ်များ

Matius 10:7

Boritoancam ko sia' nantai: Koraja'an Sorugo udah dampikam.

Matius 11:20

Yesus bulah kotakng banya' mujisat di boboropo kota di doerah Galilea. Apo boko urakng di boko kota nantai totap kinyo botongga' bulah dosa ongko kinyo monyonangan hati Allah. Jadi Yesus monogur sia' agatn koras. Kato-Nyo,

Matius 12:41

Watu Ari Ponghakipan nononyo, boko urakng Niniwe paca'an bobali' hidup huatan mohakipi boko urakng joman ni'in. Obai, boko urakng Niniwe komai botongga' bulah dosa sia' kali sia' mondinga' borito inyo dibaba' Yunus. Apo di si'itn ado inyo lobih bokuaso daripado Yunus.

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

Matius 13:24

Yesus monyampaian poumpamoan inyo bukai agi' ko sia'. Kato-Nyo, “Koraja'an Sorugo diumpamoan samo sama'an kisah ni'in. Ado siku' potani inyo moabur bonih gandupm inyo boi' di lakaunyo.

Matius 13:31

Yesus, monyampaian suatu poumpamoan bukai agi' ko sia'. Kato-Nyo, “Koraja'an Sorugo soumpamo bigi' sonsabi inyo ditanam di lakaunyo.

Matius 13:33

Sio mongisahan poumpamoan ni'in jam ko sia'. Kato-Nyo, “Koraja'an Sorugo pan samo sama'an ragi roti. Siku' botina' mongurapmnyo ko dalapm kotakan banya' topukng. Ponjadi'nyo bulah somuo topukng inyo udah dikurapm nantai mongombakng.”

Matius 13:47

“Koraja'an Sorugo jam samo sama'an kisah ni'in. Boko nolayatn monyingkapan jalo bosar di danau. Jalo nantai bulih bomacapm jonis ikatn.

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Matius 18:23

Koraja'an Sorugo samo sama'an kisah ni'in. Ado siku' urakng rajo honda' bulah pohitukan duit inyo udah io pinjapan ko boko hulutnnyo.

Matius 20:1

Yesus molajuan pomandiran-Nyo, “Koraja'an Sorugo samo sama'an kisah ni'in. Ado siku' urakng inyo umputn sobidakng kobutn anggur. Sunsukng pukau, io botula' bogoyap boboropo urakng pakai' bokorojo di kobutnnyo nantai.

Matius 22:2

Kato-Nyo, “Koraja'an Sorugo samo sama'an kisah ni'in. Ado siku' urakng rajo inyo moadoan pogai ngawitan ana'nyo.

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Matius 25:1

“Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

Matius 25:14

“Koraja'an Sorugo samo sama'an poumpamoan ni'in: Ado siku' habakng inyo honda' botula' ko doerah inyo jouh. Sio moningkau boko hulutn lalu mompocayoan banya' duit ko sia'.

Matius 4:17

Doi' watu nantai, Yesus mula'i momboritoan. Kato Sio, “Koraja'an Sorugo udah dampikam! Jadi, botongga'cam kaitn bulah dosa ongko monyonangan Allah.”

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Matius 5:10

Diborokaticam urakng inyo didorako'i obai hidup bondar di hadapan Allah. Sia' diborokati obai sia' nantai anggota koluarga Koraja'an Sorugo!

Matius 5:3

“Diborokaticam urakng inyo jaro di hadapan Allah, obai sia' nantai anggota koluarga Koraja'an Sorugo!

Matius 6:10

Datakngcam Koraja'an Duatn. Jadicam kohonda' Duatn di dunia samo sama'an di sorugo.

Matius 6:33

Jadi, tolobih doholu goyapcam Koraja'an Allah huatan kobondaran-Nyo. Somuonyo paca'an ditambahan ko kolai. Ongko lopas nantai, somuo kopontikan kaitn paca'an dionju' ko kaitn jam.

Markus 1:15

Kato-Nyo, “Watu inyo ditontuan Allah udah datakam. Koraja'an Allah udah dampikam. Jadi, tinggalancam boko dosa kaitn ongko pocayocam agatn Kabar Boi' ni'in!”

Markus 1:4

Urakng inyo diutus Allah nantaiam Yohanes Pombaptis. “Io moncumul di padakng pasir ongko momboritoan mongona'i baptisan huatan monsio gola' moninggalan dosa oca' ulih diamputi.”

Markus 6:12

Jadi, koduo bolas murid Yesus botula' momboritoan obai urakng gola' moninggalan dosa sia' ongko monyonangan hati Allah.

Lukas 1:16

Io paca'an bulah banya' urakng Israel bobali' pocayo ko Tuhatn Allah siaꞌ.

Lukas 11:20

Apo, inyo bondar nantai Aku monundukng roh jahat agatn kuaso Allah. Jadi, nantai boroti Koraja'an Allah udah datakng ko kaitn.”

Lukas 13:3

Pomikiran kaitn nantai kotakng kinyo bondar. Dinga'anbo aman kaitn co tongga' bulah dosa huatan co hidup monyonangan Allah, kaitn tajahan bonaso ubo sia' jam.

Lukas 13:5

Pomikiran kaitn nantai kotakng kinyo bondar. Dinga'anbo aman kaitn co botongga' bulah dosa huatan co hidup monyonangan hati Allah, kaitn tajahan bonaso ubo sia' jam.”

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Lukas 16:30

Urakng dampu nantai bopandir, ‘Nantai kinyo cukup, Bopai Abrahapm. Apo aman siku' urakng doi' su'utn hidup agi' doi' komatian, ongko botula' ko sia', pasti sia' tongga' bulah dosa huatan hidup monyonangan hati Allah.’

Lukas 21:31

Ubo nian jam, aman kaitn moniant somuo boko tando di langit ongko di bumi, kaitn tajahan tohu co manah agi' Koraja'an Allah tajahan datakng.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Lukas 6:20

Lopas nantai, Yesus mongilikng boko murid-Nyo ongko bopandir, “Diborokati bayakan kaitn inyo jaro, obai kaitn ninam inyo anggota koraja'an Allah,

Lukas 9:2

Lalu, Sio moutus sia' pakai' monyamani boko urakng ongko momboritoan kabar mongonaꞌi Koraja'an Allah.

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Kisah Boko Rasul 26:20

Mulonyo, aku momboritoan mongona'i Yesus ko boko urakng di Damsyik, ongko di Yerusalem, ongko di soluruh doerah propinsi Yudea. Lopas nantai, aku momboritoan mongona'i Yesus ko boko banso inyo bukainyo banso Yahudi. Aku momboritoan obai sia' gola' botongga' bulah dosa huatan hidup monyonangan hati Allah. Aku momboritoan, sia' gola' molabuhan porbuatan inyo monunju'an obai sia' memang bondar-bondar botongga' bulah dosa.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

2 Korintus 7:10

Obai, aman urakng mooso salu' agatn caro inyo Allah kohonda'i, akibatnyo urakng nian moninggalan dosanyo. Jadi, urakng nian disolamant'an. Jadi, io co monyosal obai porasa'an salu' nantai. Apo, aman salu' nantai boasal doi' dunia, moakibat'an komatian.

Kolose 1:13

Komai, kito di babah kuaso jahat. Apo Sio molopasan kito doi' nantai. Sio bulah kito monjadi anggota dalapm Koraja'an Ana'-Nyo inyo Sio kasihi.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

Ibrani 6:1

Obai nantai, mara am kito maju agatn boko ajaran mongona'i Sio inyo mombulah kito lobih botumbuh monjadi dewasa dalapm Kristus. Jangannam kito moulaki agi' boko ajaran dasar, ia'an ajaran obai urakng gola' botongga' molabuhan boko hal inyo pocumo huatan pocayo cam ko Allah,

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.