Matius 3:11 - Porjanjian Boharu Torjomahan Baso Dilakng Soari-ari

¹¹ Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Matius 3:11 ပူးပေါင်းရင်းမြစ်များ

Matius 3:6

Sia' moaku'i boko dosa sia' huatan Yohanes mombaptis sia' di Sungai Yordan.

Markus 1:4

Urakng inyo diutus Allah nantaiam Yohanes Pombaptis. “Io moncumul di padakng pasir ongko momboritoan mongona'i baptisan huatan monsio gola' moninggalan dosa oca' ulih diamputi.”

Lukas 1:17

Io paca'an ado sipat ongko kuaso samaꞌan Nabi Elia komai. Io paca'an datakng sobolupm kodatakan Tuhatn. Io paca'an mongomboi'i hubukan antaro urakng tuho agatn ana'nyo. Urakng inyo kinyo taat paca'an dipimpitnnyo ko jalatn inyo bondar, oca' monjadi taat agatn porintah Allah. Jadi ubo nian jam, io paca'an momposiapan hati boko urakng inyo siap hidup agatn caro inyo sosuai agatn kohonda' Tuhatn. Oca' siaꞌ udah siap pakai' monorima' Tuhatn.”

Lukas 3:16

Yohanes monimbas, “Aku bukainyo Rajo Inyo Dijanjian Allah. Apo kinyo manah agi' Sio tajahan datakng. Sio lobih bokuaso tangga'i Aku. Monjadi hulutn-Nyo inyo kotakng babah pan, aku co cucu'. Aku ongkah mombaptis urakng agatn ara'i. Apo Sio tajahan mombaptis urakng agatn Roh Allah huatan agatn api.

Lukas 3:3

Huatan Yohanes botula' ko mono-mono di soluruh doerah sungai Yordan ongko monyampaian borito doi' Allah. Yohanes mondongkakng-mondorah, “Botongga'cam bulah dosa oca' monyonangan hati Allah ongko onju'cam diri kaitn dibaptis oca' Allah moamputi dosa kaitn.”

Yohanes 1:15

Yohanes momboritoan mongona'i Sio. Yohanes mondongkakng-mondorah, “Ninam Sio kujiku nantai, ‘Ado Urakng inyo paca'an datakng lopas aku nantai. Sio lobih pontikng doi' aku obai Sio udah ado ija' tangga'i mulonyo, jouh sobolupm aku dilahiran.’ ”

Yohanes 1:30

Ninam Sio ujiku inyo ku pandiran watu, ‘Ado Urakng inyo paca'an datakng lopas aku nantai. Sio lobih pontikng doi' aku obai Sio udah ado doi' mulonyo, jouh sobolupm aku dilahiran.’

Kisah Boko Rasul 1:5

Yohanes mombaptis urakng agatn ara'i. Apo co manah agi' Aku paca'an mombaptis kaitn agatn Roh Allah.”

Kisah Boko Rasul 19:4

Ongko, Paulus monjolasan. Katonyo, “Yohanes mombaptis boko urakng sobagai tando obai sia' udah moninggalan boko dosa sia'. Yohanes jam momboritoan obai paca'an ado Urakng inyo datakng lopas io. Yohanes bopandir obai boko urakng gola' pocayo agatn Urakng nantai. Urakng nantai ia'an Yesus.”

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Kisah Boko Rasul 8:38

Ongko pojabat nantai monyiuh hulutnnyo pakai' monongga'an koretanyo. Filipus ongko pojabat nantai turutn ko ara'i, ongko Filipus mombaptis io.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Titus 3:5

Nantai tojadi bukainyo obai boko porbuatan boi' kito, apo obai kasih sayang-Nyo ko kito. Allah molabuhan nantai molalu'i Yesus Kristus, Ponyolamant kito. Yesus moonji'i Roh Allah inyo monulukng kito oca' kito hidup agatn caro inyo boharu.

1 Petrus 5:5

Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”