Matius 3:10 - Porjanjian Boharu Torjomahan Baso Dilakng Soari-ari

¹⁰ Kapak pakai' monobakng kayu tuntukng ko akarnyo udah tosodia. Jadi tontanaman inyo kinyo mohasilan buah inyo boi', paca'an ditobakng ongko ditikapan ko api.

Matius 3:10 ပူးပေါင်းရင်းမြစ်များ

Matius 21:19

Di pinggir jalatn, Sio moniant sokayu' kayu ara. Jadi, Sio mohampiki kayu nantai, apo co nyiant sobigi' pan buah kayu nantai. Ongkah ado doutnnyo am. Kato-Nyo ko kayu nantai, “Kolai paca'an co kalo bobuah agi'.” Lansukng kayu nantai mungguram.

Matius 7:19

Sotiap tontanaman inyo kinyo mohasilan buah inyo boi', pasti ditobakng ongko dibuakan ko api.

Lukas 23:31

Obai aman urakng molabuhan ni'in ko kayu inyo bansah, la'apo inyo tajahan tojadi ko kayu inyo rangkai?”

Lukas 3:9

Allah tajahan mohukupm urakng inyo co botongga' bulah dosa huatan co hidup monyonangan Allah. Sio samo ubo urakng inyo udah monjujut kapak pakai' monobakng tontanaman sampai ko akarnyo. Sotiap tontanaman inyo kinyo mohasilan buah inyo boi', paca'an ditobakng ongko dibuakan ko api.”

Yohanes 15:2

Sotiap dahatn inyo ado di Aku inyo kinyo bobuah, Bopai-Ku momancapnyo lalu mombuakan dahatn nantai. Apo, sotiap dahatn inyo bobuah, Bopai-Ku momborosihi dahatn nantai oca'nyo bobuah lobat.

Yohanes 15:6

Somuo urakng inyo kinyo bosatu agatn Aku, sia' samo sama'an boko dahatn inyo dibuakan, lalu monjadi ranggau. Boko ranggau ubo nantai paca'an dikumpulan, dibuakan lalu dicucul ko api.

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

Ibrani 6:8

Apo aman lakau nantai bayo mohasilan rado duri huatan boko solalakng, jadi lakau nantai co boguno. Kinyo manah am lakau nantai tajahan dihukupm Allah. Koponsuahannyo, lakau nantai tajahan dicucul habis.